Jelemiia 3:8 - O Mikanda Ikola

⁸ Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Jelemiia 3:8 ပူးပေါင်းရင်းမြစ်များ

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 33:24

Eie kuene mu mona kiene mu zuela mundu iú, exi: Miji i iadi ia solele Jihova, kiki ua iehelela? Anga a sebulula athuʼami kala nuka a kexile athu bhu pholo iâ.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Izekiiele 16:46

O kota dié dia muhetu, muene Samádia, ua tunga ku mbandu ié ia kiasu ni anʼê a ahatu; o ndengʼié ia muhatu, ua tunga mbandu ié ia kúdia muene Sodoma ni anʼê a ahatu.

Izekiiele 16:47

Sumbala kiene, maji eie mu njila jâ ua lémbua kuenda-mu, né ngó kubhanga maufusa kala mâ-ene; maji mukuâ ni kuila kala o ia bhange ene iii, ia tolo, eie mu njila jé joso ua beta dingi o ku di iibhisa ene ndenge:

Izekiiele 16:51

O phangiʼé Samádia ue, ituxi iê ia-te, ki i tena kusoka ni kaxaxe ka ituxi ié-eie; mukonda eie ituxi ié ua beta dingi o ku i vudisa ene ndenge, mu kubhanga kiki o jiphange jé ua ji bhana kulûnga, ni mu ima ioso ia ufusa i ua bhange eie.

Izekiiele 23:44

Ene anga a mu bokona, kala muthu ua mu bokona ku kidianzunga; Kienhiki muene kia bokona jinga kua Ohola ni kua Oholiba, o ahetu a sembama ni uuaia!

Izekiiele 23:9

Kala kiki, eme ue nga mu bhakula kiá bhu lukuaku lua jisaii jê, bhu lukuaku lua anʼa akua Asídia, muene a uabhelele o ku kuatanâ usai.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Matendelelu 24:1

Se bhu kala muthu u sakana muhatu, o ku pholo ku-aia, se ua mu mono kuila ka mu uabhela dingi kiambote mukonda, uala ni kisemu kioso-kikoso kiaiibha, a mu bhangele mukanda ua kusenga, a mu tule-u bhu lukuaku, a mu ambudise, nda aié,

Matendelelu 24:3

o diiala diengʼidi-phe ue se di mu zemba kiòmuene, anga u mu bhangela ue mukanda ua kusenga, uixi muangana; mba-phe, se diiala dia kaiadi dia mu sakana kindalʼidi, se diafu,