Jelemiia 3:6 - O Mikanda Ikola

⁶ Jihova uambe dingi mu izuua ia sobha Joziia, uixi: Eie ua mono kia bhange Izalaiele dia kuẋinuka? ua bhita-bhita ku milundu ioso ia di-leka ni bhu ikota ia mixi ioso ia uisu kuenhoko kuene kua bhangela jinga undumbu.

Jelemiia 3:6 ပူးပေါင်းရင်းမြစ်များ

I Jisobha 14:23

Mbata akua Juda ene uâ a tungu ididi ia matala ma di leka, ni iteka, ni idifua ia jinzambi ja ditutu ku milundu ioso ia di leka ni bhoxi dia miẋi ioso ia uisu ia di zandela.

II Malunda 34:1

Joziia kioso kiandeka o kutumina ua kexi ngó mu nake dia mivu, anga u tumina makuinhi a tatu a mivu ni umoxi mu Jeluzaleme.

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Izaía 57:3

Enu-phe bhiẋilenu bhabha, mu anʼa mama ia tambula uanga, mbutu ia kidianzunga ni ndumbu.

Izaía 57:7

Muanza ué kaxi ua u zale bhu thalʼa milundu ia di-leka; kuene ku uene kubanda mu bhana o jisata.

Jelemiia 1:2

Kua muene kuene kuejile kizuelu kia Jihova, mu izuua ia Joziia, monʼa Amoni, sobha ia Juda mu muvu ua kakuinhi niʼtatu ua utuminu uê.

Jelemiia 11:10

A vutukila ku uséia ua jitata jâ, athu a di tunine kuivua o maka mami; ia a kaiela o jinzambi jengi phala ku ji bhikila: Dibhata dia Izalaiele ni dibhata dia Juda, kikutu kiami a ki selula, ki nga tele ni jitata jâ.

Jelemiia 17:2

Ni anʼâ ue kia banza o jikalatódio jâ, ni mixitu iâ ni miẋi ia uisu, iala bhu thala dia tulundu.

Jelemiia 3:8

Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Jelemiia 5:11

Mbata dibhata dia Izalaiele ni dibhata dia Juda a ngi kitukila ni ufumbe uavulu, Jihova ua ki tange.

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Izekiiele 16:31

O ki ua tunga jinga o jinzu jé, ja uuaia, mu jiphambu joso ja jinjila, eie ua bhanga jinga ididi ia di-leka mu jinzunga joso, né kiá ngó ue kuila kala u Kidianzunga, lémbua, kuma ni futu eie ku i andalele lémbue.

Izekiiele 16:35

Kala kiki, eie u Kidianzunga, ívua o kizuelu kia Jihova.

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Izekiiele 23:11

O ndengʼiê Oholiba kia ki mono, ua beta dingi o kuvudisa o huiii ia uhabhu uê, o kota diê ndenge, o uuaia uê anga u beta o kuvula ua phangʼiê ndenge.

Izekiiele 23:4

O majina mâ enhá: Ohola, o dikota, ni Oholiba, dia ndenge; ene-phe a kexile ami, anga a vuala anʼa mala ni anʼa ahetu; o mu kulombolola o majina mâ, Samádia muene Ohola, o Jeluzaleme Oholiba.

Hozeia 11:7

Mbata o mundu uami uejidila ku ngi baluka; o kia exana kuiza kua Suke-ku, ki bhuala muthu u xikina ku ki bhanga.

Hozeia 4:13

A bhana jisata ku thandu dia milundu, a bhanga dixi dia uasu ua dizumba ku malundu onéne, ni bhu ixina ia miẋi ia di zandela ia mikaluvádiu, ni jixopo, ni jitelebindo, mbata o kilembeketa kia di xala-bhu; kiene ki bhekela anʼenu a ahatu ku kituka jihabhu, ni akaji a anʼenu kuta jiphànda.

Afundixi 2:17

Maji ene hanji-phe, nguauâ né ngó kuívua afundixiʼâ; kuma a kala mu bhanga undumbu ni jinzambi jengi, a ji fukamena; kindala a bhambuka kiá mu njila mua kexile kuenda o jitata jâ, ia kutumaka o ijila ia Jihova; ene-phe a bhanga kiengi, a lémbua kubhanga kia bhanga jinga o jitata jâ.