Jelemiia 3:5 - O Mikanda Ikola

⁵ Manhi njinda ié ua-nda ku ijijila katé ku hadia ni hadia? Inga ua-nda ku i bhaka izuua ioso? Talesa-ze eie uene kuzuela ni ku bhanga ima iaiibha, o mu ima iaiibha ienhiʼii muene-muène mu u xalela.

Jelemiia 3:5 ပူးပေါင်းရင်းမြစ်များ

II Malunda 29:10

Kindala-phe mu muẋima mua mu ngi bhita kuila tu ta kikutu ni Jihova, Nzambi ia Izalaiele; phala o kutêma kua njinda iê ku tu somboke ni kuie kuengi.

Jisálamu 85:5

Kífua kuluuala kué, ku ua tu luualela, ki ku-bhu dingi? U jijila ku tu zemba ku miji ioso?

Jisálamu 85:6

Manhi ngué ku tu phaphumuna dingi, phala o povo ié nʼa kale mu sangulukila ko kué?

Izaía 57:16

Kuma eme ki ngi jijilʼami kuzoka izuua ioso, ki ngi-di ue kiene ki nga teme kiene, kana; kuma nzumbi ia muthu ia vula kulémbua bhu i nhohena, ni mienhu i nga bhange.

Izaía 64:9

Ku thathamane kinéne, Jihova tata, mba u jijila kuxinganeka o itondalu ietu; o kiki, tala etu tua ku diondo, etu-enʼoso tu athuʼé.

Jelemiia 3:12

Katuka-phe, nda u boke o makʼama ku mbandu ia kusuku, uixi: Eie Izalaiele, mbaluke iakime, vutuka! Jihova ua ki tange; o njinda iami ki nganda ku i lunduluila dingi ku thandu dienu; mbata eme ngi mukua Mbote, Jihova ua ki tange, o njinda iami ki nga-nda ku i jijila, katé ku hadia ni hadia, kana.

Jelemiia 8:5

Mundu iú, ua Jeluzaleme, a bhambukilaʼhi ni ku balukilà-ku kiá, anga endelela? a jijila kunganala, o ku biluka nguâ.

Jelemiia 8:6

Eme ngʼevidila, eme ngevu: Kala kuzuela kia iuka; ki bhuala muthu u diela ku usuéia uê, uixi: Nga bhangʼehi? Kala muthu ni muthu u bhambuka mu njila iê, mukua ni kabalu ka di takula ni nguzu ku ita.

Izekiiele 22:6

Tala-ze, o ilamba ioso ia Izalaiele, kala muthu kia mu soko o nguzu iê, a ku tumina jinga, mbé o kuẋamuna o manhinga.

Mikeia 2:1

Kokolo dia ió oso a sota kuta ituxi ni kufunha kubhanga kiaiibha bhu jihama jâ bhu a zeka; anga aia ni ku ki bhangela muene mu muanha uatu, mukonda o kutena kuala bhu lukuaku luâ.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.