Jelemiia 3:4 - O Mikanda Ikola

⁴ Ki ualʼiki, ua lembua ngó katé bhu ueza-bha, o ku di tenda kokuami, kuamba: Tata iami! Eie u musonguedi uami, tua tunduʼdi undenge?

Jelemiia 3:4 ပူးပေါင်းရင်းမြစ်များ

Jisálamu 119:9

Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Jisálamu 48:14

Mukonda o Nzambi i kala kiki, muene Nzambi ietu tu xalela-nê katé ku hádia; muene u kala kilolo kietu kia ku tu endesa katé bhu ufilu.

Jisálamu 71:17

Eie, Ngana Nzambi, ua ngi longo tunde mu undenge; katé bhu ngezʼabha, mukumbi uami u ngene mu tanga, o kukalakala kué kua madiuanu.

Jisálamu 71:5

Kuma eie-muène u kidielelu kiami, Ngana Nzambi; eie-muène nga ku te o muẋima, tunde mu undenge.

Jisabhu 1:4

phala kudimuna o ilalu, ni kulonga anandenge o kuijiia, ni kilunji kioso kia fuama.

Jisabhu 2:17

o muhatu u xa diiala dia undenge uê, anga o kikutu kia Nzambi iê u ki jimba.

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 2:27

Athu ala kuila o muẋi exi; Eie-eie u tatʼetu; ambela ditadi, exi: Eie ua ngi vuala; mukonda a ngi te makunda, ka ngi bhana pholo: maji bhu kumbi dia ku toka kuâ a-nda kuila: Balumuka u tu kudile.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 2:14

Enu-phe muixi: Phalahi? Mukonda Jihova uala mbangi bhu kaxi ké ni muhatuʼé ua dianga, ua sakana-nê mu unzangala, eie ua kambe kuenda-nê ni ufiiele, anga ubula kikutu ki uate-nê; o muene-phe muene uala mukuenu, o muhatu ué ua àta-nê kikutu.