Jelemiia 3:2 - O Mikanda Ikola

² Bhetula mesu mé ku matala u mone: kuebhi ku bhangela-ku undumbu? O mu ikoka ua a xikamena jinga, kala mukua Alábia u batuila mʼoxi ia kisekele: mu kubhanga kiki ua kasanesa oxi ni undumbu ué ni usuéia ué.

Jelemiia 3:2 ပူးပေါင်းရင်းမြစ်များ

Dimatekenu 38:14

Tamale anga u zula izuatu iê ia utudi, u di ta véu iê, u di futa, u xikama bhu phambu ia Enaimi, muene mu njila ia Timinahe; kuma ua mono Xelah ua kulu kiá, maji muene ka mu bhana kusakana-nê.

I Jisobha 11:3

Sobha Solomá anga u kala ni hama sambuadi ia ahatu, anʼa jingana, ni hama jitatu ja akama; anga akajʼê a mu diangula o muẋima.

II Jisobha 23:13

O sobha ua tumbulula ni matala a lulamene ni mbanza ia Jeluzaleme, a kexile ku mbandu ia Kadilu ia Mulundu ua Kibuika; ene a a tungile kuala Solomá, sobha ia Izalaiele, mbé o dihamba dia Jitalote, o kisunji kia akua Sidonha, ni Kamu, o dihamba ni kisunji kia akua Mouabhe, ni Midiko, o dihamba ni kisunji kia akua Amone.

Jisálamu 106:38

Iá a ẋamujuna manhinga, sé ngó kikuma, o manhinga ma anʼâ ene, ni a mala ni a ahatu; anʼâ a a satela muene o iteka ia Kanana, o ixi anga a i ta o lúfuku lua manhinga.

Jisabhu 23:28

Muenhú ue u zomba o maiala kala kifumbe, uia ni kubatuila mu njila hé u kuata o kuzongojola, anga muʼaxaxe ka mala u kala mu vudisa-mu athu a kamba o kukala ni ufiiele.

Jisabhu 7:11

Muhatu muenhú, ulolo u vula, ni jimvunda; mʼonzo iê kene dingi ku nanga-mu, o inama iê ia nanga ngó ni kuenda.

Jelemiia 12:12

Mu ididi ioso ia di leka ia kikangalakata mua tundu akua kubuikisa; mbata o xibhata ia Jihova i leleka tundé hota ia ixi katé hota ia mukuâ; ki bhuala xitu i kala ni kutululuka.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 2:23

Eie uala kuila kiebhi: Eme kana ki nga di kasanesa ki nga xingidisa mahamba a Bale? Talesa o njila ié mu dikolo muná, uijiie kioso ki ua bhange, tongolola-kiu kuma uala u kamelu ka sakalala, ni kuenda jihonda mu njila jê.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 3:13

Hé kima diẋikine ngó kikuma kié: ki ua tondalela Jihova Nzambi ié, eie ua lebhesa o jinjila jé katé kua akua jixi jengi, bhu makota a mixi ioso ia uisu; eie ua kambe ku bhana matui ku dizui diami, kiene kiambe Jihova.

Jelemiia 3:21

Mu ididi ia di-leka evu-mu dizui, evu-mu ngololo ni kudionda kua vulu kua anʼa Izalaiele; mukonda njila iâ a i lungulula, o Jihova Nzambi iâ a mu jimbi.

Jelemiia 3:9

Anga ki bhita kuma o kia sambuka fenge ia undumbu uê, oxi-phe ua i kasanesa; kuma ua te jiphanda ni matadi ni miẋi.

Jelemiia 7:29

Kolola jindemba ja mútue ué, u ji texi, u bhita-bhite ku matala ni kuta o nzôngo ia kudila; mbata Jihova ua ẋimbuka iú uehelela o muiji ua njinda iê.

Izekiiele 16:16

Eie ua katula jinga muene ku izuatu ié, eie ua bhanga jinga ididi ia di-leka ni ku i kembesa ni milele ia idifua-idifua, eie ua bhita jinga ni ku bhangela o undumbu kuenhoko; o ima iii, mʼukulu ki i bhita jinga, ki mungu ue dingi ia-nda bhita.

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Luka 16:23

Ku ʼalunga ki a mu kuata o jiphaxi javulu, u zambula mesu, anga u mona Mbalahamu uala dikanga, ni Lázalu bhu jihata jê.

Matendelelu 12:2

Ididi ioso akua jixi u mua-nda kutolola enu, mua bhezela jinga o mahamba mâ, enu mua kà i sengulula muene,