Jelemiia 3:12 - O Mikanda Ikola

¹² Katuka-phe, nda u boke o makʼama ku mbandu ia kusuku, uixi: Eie Izalaiele, mbaluke iakime, vutuka! Jihova ua ki tange; o njinda iami ki nganda ku i lunduluila dingi ku thandu dienu; mbata eme ngi mukua Mbote, Jihova ua ki tange, o njinda iami ki nga-nda ku i jijila, katé ku hadia ni hadia, kana.

Jelemiia 3:12 ပူးပေါင်းရင်းမြစ်များ

Dimatekenu 4:7

Se u bhanga kia-mbote, manhi ka ku ẋikina? Ki uila-phe u bhanga kiaiibha, kituxi kia ku batamena bhu muelu; kia ku hamena muene, maji eie ua tokala u ki tumina.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 17:23

katé Jihova kia sondolola Izalaiele bhu pholo iê, kala kia ki tangele ku ukunji ua abhikʼê oso, o misesedi; kienʼiki Izalaiele kia mu balakala ni ku mu katula mʼoxi iê phala ku mu tumikisa ku Asídia katé mu kizuua kia lelu.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

II Jisobha 18:1

Hé ki bhita-phe kuila, mu ku tula mu muvu ua katatu ua utuminu ua Ozeia, monʼa Hela, sobha ia Izalaiele, kiene kiandeka Ezekiia, monʼa Akaji, sobha ia Juda, o kutumina mua Juda.

II Malunda 29:10

Kindala-phe mu muẋima mua mu ngi bhita kuila tu ta kikutu ni Jihova, Nzambi ia Izalaiele; phala o kutêma kua njinda iê ku tu somboke ni kuie kuengi.

II Malunda 30:9

Mukonda kioso enu ki mu lungulukila kua Jihova, o jiphange jenu ni anʼenu a mala a-ndu bonga kiadi ku mesu ma ió oso a ambata ene ku ubhika, anga a kà vutuka dingi mu ixi iii; mbata Jihova, Nzambi ienu, mukua kiadi ni henda, o pholo iê kà tena ku mi suekela-iu, se enu mu bilukila kua muene.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 103:8

Jihova ua lenduka, mukua kisambu, u kokoloka o kutema, o jihenda jê ji vula.

Jisálamu 103:9

Muene ka jijila kubazela, kene mu kuila u ku tatela phonzo.

Jisálamu 145:8

Jihova ua lenduka, u bhanga o mbote, u kokoloka kutema, u vula kukuatela o henda.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 31:6

Bilukenu-phe kua ió a mu bhukumukina kinéne kuala anʼa Izalaiele.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Jelemiia 11:6

Jihova anga u ngambela: Boka maka mene mosʼuama mu madiembu ma Juda, ni mu jinzunga ja Jeluzaleme, uixi: Ivenu maka ma kikutu kiki, muende ni ku ma bhanga.

Jelemiia 12:15

Anga kia kà bhita, kuila ki nga kà zubha ku a vuza kiá, ngi vutukila-ku anga nga a lendukila hé nga vutula dingi, muthu ni muthu ku ubhinganu uê, muthu ni muthu kʼoxi iê.

Jelemiia 23:8

maji: Jihova a nangenene, uedi muiji ua dibhata dia Izalaiele ua u takana kʼoxi ia kusuku ni ku jixi joso kua a tandele; anga a kà tunga kiá mʼoxi iâ.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 3:14

Bilukenu, enu mu ana a ẋinuka, Jihova ua ki tange; mbata eme nga-nda ku mi sakana, anga ngi mi katula iú ku mbonge iii, kiiadi ku muiji ua mukuá; hé nga kà mi ambata ku Ziione.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 3:5

Manhi njinda ié ua-nda ku ijijila katé ku hadia ni hadia? Inga ua-nda ku i bhaka izuua ioso? Talesa-ze eie uene kuzuela ni ku bhanga ima iaiibha, o mu ima iaiibha ienhiʼii muene-muène mu u xalela.

Jelemiia 3:7

Eme, o kia zubha kubhanga ima ioso iii, ngixi-phe: Vutuka kokuami; muene phe ka vutuka: o phèke-phèke-phe ia phangiʼé na Juda ua ki mono.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:21

Uixi: Eʼmuene di tele imaku, di kubile eʼmuene jiphiladi, u te muẋima ué mu hoka, mu njila mu uende; vutuka, eʼmuzeletete ua Izalaiele, vutuka mumu, mu jimbanza jé.

Jelemiia 31:8

Tala, kuma ngʼiza-nâ tundé ku ixi ia ku suku, nga-nda kua bhongolola muene tundé kua suku oxi; ngʼiza-nâ kumoxi ni ifofo ni inema, ni ahatu emita, kumoxi ni iá a mu bhanduluka a kala kifuxi kia dikota, kia-nda kuvutuka bhabha.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Jelemiia 4:1

Se uedi u vutuka, eie Izalaiele, vutukila-phe kokuami, eme ngi Jihova, o ki uila u sondolola isunji ié bhu pholo iami, kua-nda kuenda dingi ni kubungana.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Izekiiele 11:17

Kala kiki, ila: O Ngana dia Jihova ua tange kiki: Nga-nda ku mi ongeka mu kaxi ka ifuẋi, anga ngi mi takana ku jixi kua mi takuile, nda ngi mi bhana oxi ia Izalaiele.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Ijila 26:40

Bhenhobho a kà di ẋikina ufusa uoso, ni uâ ene, ni ua jitata jâ, ni itondalu iâ ioso ia ngi tondalela-na-iu Eme; ni kia ngi balukila jinga mu uendelu uâ.

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Matendelelu 30:2

o ki u biluka kua Jihova Nzambi ié, anga dízui diê u di xikina, anga u bhana matui kala ki nga ku tendelela leluʼiki, nʼeie ni anʼê, anga mu ki bhanga muene ni muxima uenu uoso ni muenhu uenu uoso;