Jelemiia 27:9 - O Mikanda Ikola

⁹ Kana-phe ku bhana mátui ku jipolofeta jenu, ni akua iphata, kia mi zuelela, kuamba: ki mua-ndu bhikila sobha ia Babilonha.

Jelemiia 27:9 ပူးပေါင်းရင်းမြစ်များ

Makatukilu 22:18

Muloji kana ku mu ehela kulaia.

Makatukilu 7:11

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Jisabhu 19:27

Eie monʼami, se uevu kia ku longo, ximbakata kiá; kana dingi ku kuata o kubhita bhu mbandu, ni kuxa o maka ma kuijiia.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Jelemiia 14:14

Jihova ua ngambela: O Jipolofeta a zambula makutu mu dijina diami; nuka nga a tumine; né ngó kuila nga a bhana ngonge, mba ku a zuelesa; a zambula kisuma kia makutu, muzambu ua kusuma kua ngó, ni ukumbu, ni mangonha ma funha ngó mu muẋima uâ, iene ima iala ku mi zambuila ene.

Jelemiia 23:16

Jihova dia Ilombo Ieta uambe kiki: Maka ma jipolofeta ki mu ma bhane mátui, oso ala ku zambula muʼaxaxi kenu, ala ku mi longa makutu; ala ku tanga kisuma maji kia tundu ku muẋima uâ-ene, ki kia tunduʼé mu kanu dia Jihova.

Jelemiia 23:25

Ngène mu kuívua ima i zuela jipolofeta jojo, ni kuzambula makutu mu dijina diami, exi: Nganjiua, nganjiua.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Jelemiia 29:8

Mukonda Jihova dia Ifuẋi, Nzambi ia Izalaiele, uambe kiki: O jipolofeta jenu, ala mu kaxi kenu, ka mi tobhese, mba azambuidi enu, mba ue kubhana mátui ku jinzoji ji mua mu kuanjiua.

Izekiiele 21:29

Sumbala, a ku muena kingoho, a ku zambuila makutu, phala nʼa ku tudike bhu xingu ia akua phulu a a kuamena o kúfua, a bhingi o kumbi diâ dia kʼèza bhu kithangana kia phulu ia dikota.

Daniiele 4:7

Ni jinganga, ni jimesene ja iphata ia kutalela ku jithéthembua, ni makaledeia, ni imbanda akua kuzambula, anga eza, eme anga ngʼa tangela o nzoji kioso ki nga i anjiua; maji ene-phe dilomboluelu diê a di lémbua ku ngi tangela-diu.

Mikeia 3:7

Akua lumono lua kumona ima kiluua imoneka, sonhi ja kà a kuata; o akua kuzambula a kà tandanganha; xi, ene oso muene a kà jika ku makanu, mukonda kua Jihova Nzambi ki ku tundu njimbu ioso-ioso.

Zakadiia 10:2

Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Jipoxolo 8:11

Ene oso a mu tambulula jinga, mukonda uandeka ukulu ni ku a diuanesa ni iphata iê.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

Matendelelu 13:2

se kijimbuete kiókio mba kisuma kia bhiti muene, kioso kia ku ambela, kiene muene ki kia bhiti, o muenhó hé uila: Tuie tua kà bhandulule jinzambi jetu jengi tu ji bhikile, o jene eie kua jʼjijiia ngó,

Matendelelu 18:14

Mbata akua-jixi iá u ua-nda kúvua, auabhela kuividila akua kuzambula, ni akua ijimbuete ia isuma; maji eie-phe ima ioio Jihova Nzambi ié ua ku kidika-iu.

Josuué 13:22

Anʼa Izalaiele ue a jibhile Balamu, monʼa Beola, kimbanda kia kuzambula, ni amukuá dingi oso a a jibhile kuala ene.

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.