Jelemiia 27:4 - O Mikanda Ikola

⁴ Ua-nda kua kà a tudila njimbu nʼa kà tangela jingana jâ, kuila: Jihova dia Ifuẋi, Nzambi ia Izalaiele, uambe kiki: Jingana jenu mua kà a tangela kiki:

Jelemiia 27:4 ပူးပေါင်းရင်းမြစ်များ

Makatukilu 5:1

Kia zubha kubhanga kiki, Mozé ni Alá a bhiẋila kua Falaó a mu ambela, exi: Kiene kia zuela Jihovʼiki, Nzambi ia Izalaiele: Eha mundu uami, phala aie mu kikangalakata, a ngi bhangele-mu fesa.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 25:27

Mbata eie ua kà a tangela, kuila: Kienhiki kiambe Jihova dia Ifuẋi, Nzambi ia Izalaiele: Nuenu, mu kodiue, mu di lusile, mu dibhale bhoxi, mu lémbue ku balumuka-bhu, mukonda dia xibhata i nga-nda ku mi tumikisa eme.

Jelemiia 27:3

U ji tumikise kua sobha ia Idomo, ni kua sobha ia Mouabhe, ni kua sobha ia anʼa Amone, ni kua sobha ia Tilu, ni kua sobha ia Sidone, i ila bhu lukuaku lua jiphunga jala mu kuiza mu Jeluzaleme kua Zedekiia, sobha ia Juda.

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Jelemiia 28:14

Mbata Jihova dia Ifuẋi, Nzambi ia Izalaiele, uambe kiki, uixi: Bhu xingu ia akua jixi joso jiji nga te-bhu jungu ia felu, phala kubhikila Nabukodonozolo, sobha ia Babilonha; a-nda ku mu bhikila muene; katé ni iama ku mukáu nga mu bhana na-iu.

Jelemiia 51:19

Dikanda dia Jakobo-phe ki kiene ki dia di fu; mukonda Muene muene ua bhange o ima ioso; o Izalaiele uene o muiji ua undundu uê; Jihova dia Ilombo Ita, diene o dijina diê.