Jelemiia 27:3 - O Mikanda Ikola

³ U ji tumikise kua sobha ia Idomo, ni kua sobha ia Mouabhe, ni kua sobha ia anʼa Amone, ni kua sobha ia Tilu, ni kua sobha ia Sidone, i ila bhu lukuaku lua jiphunga jala mu kuiza mu Jeluzaleme kua Zedekiia, sobha ia Juda.

Jelemiia 27:3 ပူးပေါင်းရင်းမြစ်များ

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Izaía 23:4

Sonhi jé, Sidone, tata! Kuma o mbonge ia musanza ua kalunga, iambe muene, ixi: Eme ku isenda ki ngèle-ku, kuila ngi vuala mona, ki ngi sase ue minzangala ia mala, mba ngi bhana kikombo kua ana-ilumba.

Jelemiia 27:12

Anga ngi zuela ni Zedekiia, sobha ia Juda, kala kiambe o maka osoʼá, kuila: Jixingu jenu, te-nu-ju mu jungu ia sobha ia Babilonha, mu mu bhikile muene ni mundu uê nda mu laie.

Jelemiia 27:4

Ua-nda kua kà a tudila njimbu nʼa kà tangela jingana jâ, kuila: Jihova dia Ifuẋi, Nzambi ia Izalaiele, uambe kiki: Jingana jenu mua kà a tangela kiki:

Jelemiia 28:1

Anga ki bhita mu muvu uene umoxi, ku dimatekenu dia utuminu ua Zedekiia, sobha ia Juda, mu muvu ua kauana ku mbeji ia katanu, kuila Hananiia, monʼa Azule, polofeta mu Ngibiione, ua ngi zuelela mʼonzo ia Jihova bhu mesuʼa jinganga ni a kifuxi kioso, uixi:

Izekiiele 29:18

Eie monʼa diiala, o Nabukodonozolo, sobha ia Babilonha, ua bhangesa kuila o kifuẋi kiê kia bhange kikalakalu kia dikota mu kuzoka ni Tilu; o mítue ioso ia kituka mabhaia, o isuxi ioso ia bhomoka; o kia mu futu Tilu ki kia moneka, mba ngó o kifuẋi kiê, ku kikalakalu kia bhange mu kuzoka-nê.

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.