Jelemiia 26:8 - O Mikanda Ikola

⁸ Anga ki bhita kuila kioso-phe Jelemiia kia zubha kuzuela ima ioso ia muʼambelele Jihova kuila tangela-iu mundu uoso, ni jinganga, ni jipolofeta ni mundu uoso, a mu kuata, exi: Ni kidi kiene eie u fua.

Jelemiia 26:8 ပူးပေါင်းရင်းမြစ်များ

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jelemiia 1:19

Ene-phe a-nda ku bhangela ku ku lua, maji katena ku ku tolola eie; mbata eme ngala ni eie bhuamoxi, phala ku ku kudila, Eme ngi Jihova.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 18:23

Maji eie-phe, Jihova, tata, uejiia kikutu kiâ kioso kia ngi te phala ku ngi jibha; kikuma kiâ ku ki loloke, o kituxi kiâ ki xale muene bhu pholo ié, ku ki jimune, maji a di bhukane muene bhu pholo ié; u a bhanga kienhiki bhu thembu ia njinda ié.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 32:3

mbata Zedekiia, sobha ia Juda, ua mu kuikile, uexi; Mukonda eie ua mu zambuilaʼhi upolofeta, kuila: Jihova uambe, kiki: O mbanza iii, nga-nda ku i bhakula bhu maku a sobha ia Babilonha, muene ua-nda ku i tolola.

Jelemiia 43:1

Anga ki bhita kuila kioso Jelemiia kia zubha kutangela mundu uoso o kizuelu kia Jihova, Nzambi iâ, kizuelu kia mu tumikisine na-kiu Jihova, Nzambi iâ, ene kiá o maka oso enhó muene a tange muene.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Matesu 22:6

Axala-ku anga a kuata jiphunga jê, a ji bhanga ufusa, a ji jibha.

Matesu 27:20

Jinganga ja makota-phe, ni adiakimi a Jijudé, a kala mu bhomba o mundu, phala a bhinge Balaba, o Jezú a mu jibhe.

Jipoxolo 5:33

Adiakime-phe bhu Kionge, ki evu kiki, kia a talakanha. A thathamana kiavulu, anga a kala mu ku a kanena ku a jibha kiá.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Dijingunuinu 18:24

Babilónia ia dikotʼoio, a mu bhana o kaxtiku kê, mukonda mua muène a sange-mu o manhinga ma jipolofeta, ni manhinga ma akua-Ngana, xi, o manhinga ma athu oso a a jibha jinga mu ngongo.