Jelemiia 26:7 - O Mikanda Ikola

⁷ Ni jinganga, ni jipolofeta, ni mundu uoso evu kioso Jelemiia kia zuela maka mosoʼama mʼonzo ia Jihova.

Jelemiia 26:7 ပူးပေါင်းရင်းမြစ်များ

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Sofoniia 3:4

O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Matesu 21:15

Jinganga ja makota-phe ni jimesene ja kulonga o Kitumu, kia mono o madiuanu mala mu bhanga Jezú, ni anandenge ala kudikola mu Tembulu, exi: Hozana Monʼa Davidi! Njinda ia a kuata.

Jipoxolo 5:17

Nganga ia dikota-phe, ni ió oso a tokala-nê, akua kisoko kia jisaduzeu, bhenhobho a salumuka, njinda ia a kuata, mukonda ala ni difutu dia Jipoxolo. Kieniokio exi tu bhanga kima!