Jelemiia 26:4 - O Mikanda Ikola

⁴ Tangela-u-phe, kuma: Jihova uambe kiki: Se mu kamba ku ngi bhana mátui, ni mu i ni kuenda mu ngonge iami, i nga mi tela ku pholo dienu,

Jelemiia 26:4 ပူးပေါင်းရင်းမြစ်များ

I Jisobha 9:6

Maji enu-phe ni anʼenu, se bhu kala kima ki mi sandula ko kuami, anga mu kamba kubhaka o ijila iami, ni i tumu iami, i nga diangele ku mi bhana, hé muia mu kubheza jinzambi jengi, ni kubhetama bhu pholo ia jinzambi jenhojo,

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Jelemiia 22:5

O ki mu fula ku bhana o mátui ku maka iá, nga di lokela muene eme ngi Jihova, dizemba didi di kituka ngundu.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 44:10

Nguâ ku di tolesa katé mu kizuua kia lelu, mba a kala ni uoma, mba enda mu ngonge iami, mba mu itumu iami i nga te bhu pholo ienu ni bhu pholo ia jitata jenu.

Jelemiia 44:23

Mbata enu muʼoha uasu ua dizumba, kuma mua te kituxi kua Jihova, nguenu ku tumaka o dízui dia Jihova, mua fulu kuenda mu ngonge iê ni mu itumu iê, kiene kia mʼijiia kuiibha kuosʼuku kala ki kia di monekena mu kizuua kia lelu.

Jelemiia 7:14

Onzo-phe iii, ia lukila mu dijina diami, i mua mu dielela, ni kididi kiki, ki nga mi bhana enu ni jitata jenu, nga-nda ku i bhanga kala ki nga bhange Silu.

Matendelelu 11:32

Tenu-ku-phe muxima mu kumbidile o jingonge ni mabatuilu u ngala ku mi xindila leluʼâ.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 4:44

Kiki kiene o kitumu kia bhana Mozé ku anʼa Izalaiele.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.