Jelemiia 26:3 - O Mikanda Ikola

³ Bhu kala ni bhabha sumba a tena kuívua, nʼa bhane dikunda kala muthu ku njila iê ia ibha; nda eme ngi diele ku phulu i nga mu sota ku a bhanga mukonda dia ku ibha kua ibhangelu iâ.

Jelemiia 26:3 ပူးပေါင်းရင်းမြစ်များ

I Jisobha 21:27

Anga ki bhita-phe kuila, kia zubha Akabe kuivua maka iá, u tandujula o izuatu iê, anga u zuata dikuba ku mukutu uê, anga u jila; anga u zeka jinga ni dikuba, ni kuenda ni kutululuka kuoso, ni kudijingununa.

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

Jelemiia 26:13

Kindala-phe iukisenu njila jenu ni ibhangelu ienu, nda muivue dízui dia Jihova, Nzambi ienu, Jihova muene a diele ku phulu ia tange ku mi bhanga enu.

Jelemiia 26:19

Mbebhu, Ezekiia, sobha ia Juda, ni akua Juda oso, a mu jibha? Manhi ene uoma ki ua a kuatele ua Jihova, anga a dionda jihenda ja Jihova? Jihova anga u diela ku phulu ioso ia tange ku a bhanga ene? Etu manhi tu di bhekela ku ibha kua vulu kiosuʼiki ku mienhu ietu?

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Izekiiele 12:3

Eie-phe tata, monʼa muthu, iudika imbamba ié phala u bule dibhata uie ku ixi iengi, o kioso ki u katuka, ene oso a ki mona mu muanha uatu; o bhu kididi kié bhu uala, u sondoloka-bhu nʼuii bhengi ku mesuʼâ a kumona; sumba kienhiki a ki tongolola, sumbala ene ala dibhata dia ẋinuka.

Izekiiele 18:21

Maji o mukua phulu-phe, se u diela o ituxi iê ioso ia-te, hé uaiuka o jingonge jami ni kubhanga iaiuka ni kubatula o kidi, o muthu ió ni kidi muene u laia, ka tena kúfua.

Hozeia 11:9

Ki nga-nda kubhanga kia tumu o njinda iami; Ifalaíme ki nga-nda ku mu sengulula; mbata eme ngi Nzambi, ki ngi muthu, kana; kuma eme ngi Kôla muʼ ʼaxaxe kenu, ki ngene kuuabhela kuia ni kubuikisa.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.