Jelemiia 24:2 - O Mikanda Ikola

² Kinda kimoxi, kia kexile ni jifiku ja uabha muene, kala jifiku ja kisonaxi; maji o kinda kia kamukuá kia kexile ni jifiku ja ibha kia vulu, ki ji xikina ku ji dia, mukonda dia ku ibha kuê ku ja ibha.

Jelemiia 24:2 ပူးပေါင်းရင်းမြစ်များ

Izaía 5:4

Ihi dingi i nga tokalele kubhanga mu díbhia diami dia mivide, iii nga kambe ku i bhanga? Kia bhiti-phe kiebhi, nga dielelele kuila uima ji-úva jauabha, ni kuà keza mu bhana ikola-kola?

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Jelemiia 29:17

Jihova dia Ifuẋi-phe uambe, kiki: Tala, nga-nda ku tumikisa mu kaxi kâ xibhata, ni nzala, ni kipheku, hé ngʼa bhanga kala bhu jifiku ja bolo, ki ji xikina ku ji dia, mukonda dia kubola kuê.

Hozeia 9:10

Izalaiele nga mu tuuama kala isaka ia ji-uva mu mikáu ia kukuta, o jitata jenu ki nga a muene, edile kala ibundu ia sambatende ku mufiku ua kindala; maji ene-phe a lengela kua Baale-piiole, ia a di kasanesa ni mahamba a kuatesa jisonhi javulu, ene uâ ia a kasana kiá kala o dihamba diene dia a uabhelele ene.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Nahumu 3:12

Jimbonge jé joso ja imbaka phala dilengelu, ja kèla kala mifiku iala ni ibundu ia jifiku ja dianga kúbhia, bhu thembu ki ia tokala jisambatende; se a ji nhikisa ji lalumukina kiá mu kanu dia ió ua-nda ku ji dia.

Dialuilu 18:13

O ibundu ioso ia dianga, ku ima ioso i kala mungongo, ieza-na-iu kua Jihova, i kala ié; uoso ua di zelela uala mʼonzo ié, muene ua kà dia-ku.

Matesu 5:13

Enu muala mu môngua uaʼ xi. O môngua-phe ki u-bhua o kutouala kuê, uene au toua-hi? Ki u tena dingi kubhandulula kima, kikale a u texi, hé a u diota-diota kualʼ athu.