Jelemiia 22:9 - O Mikanda Ikola

⁹ Bhenhobho a kà kumbulula, exi, mukonda ene o kikutu kia tele ni Jihova Nzambi iâ a ki xisa, ia a diundila jinzambi jengi, ni ku ji bhikila.

Jelemiia 22:9 ပူးပေါင်းရင်းမြစ်များ

I Jisobha 9:8

Anga o inzo iii, ia mu zangeleka kiosuʼiki, uoso ió ua kà bhitila-bhu, ua kà kakuka anga ua kà xika muixi, ni kudiuana, uixi: Ngana ua bangelaʼhi kiki ku ixi iii ni inzo iii?

II Jisobha 22:17

Mukonda ene a ngi xisa, ia ohela uasu ua dizumba ku jinzambi jengi, mbé o ku ngi lokalala o kutema mu ibhangelu ioso ia maku mâ; o njinda iami ia bambukila kididi kiki, ki ia-nda ku xikina ku jima.

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

Jelemiia 11:10

A vutukila ku uséia ua jitata jâ, athu a di tunine kuivua o maka mami; ia a kaiela o jinzambi jengi phala ku ji bhikila: Dibhata dia Izalaiele ni dibhata dia Juda, kikutu kiami a ki selula, ki nga tele ni jitata jâ.

Jelemiia 11:3

A tangele-phe: Jihova, O Nzambi ia Izalaiele, uambe kiki: Uoso u kamba kuívua o maka ma kikutu kiki, mukua mázui,

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 50:7

Eneʼoso a kexi muʼia ni ku ji bonga, aia ni ku ji diʼâ; o jinguma jâ aia ni kutanga, exi: Ki tuandu kala-ku ni kikuma; mukonda ene a te kituxi kua Jihova, uene o Kibuta kia Kuiuka; xi, kua Jihova, o Kidielelesu kia jitata jâ.

Jelemiia 9:13

Kuala Jihova uixi: Mukonda ngonge iami a i xi, i nga a tudila bhu pholo iâ, ia a kambe kubhana ue matui ku dízui diami, mba ngó kuendela-mu, nguâ.

Izekiiele 12:16

Maji momuʼâ nga-nda kuxamu, amoxi-mu, Ofèle, a bhulaka ku xibhata, ni ku nzala, ni ku dibhebhu, phala ende ni kutanga o maufusa mâ mu kaxi ka miji muoso mua-nda ku di tela; anga a kʼèjiia kuila eme ngi Ngana.

Izekiiele 14:23

Anga malamba oso a kà mʼibhua, kioso ki mua kà mona o njila iâ ni ibhangelu iâ; anga mua kà kʼijiia kiua, kuila ku ioso i nga bhange, ki ngi didi ngó ku i bhanga, maji nga lunguʼami kioso ki nga i bhange momué;—Jihova Nzambi ua ki tange.

Izekiiele 39:23

O akua jixi hé a kà kʼijiia, kuila o akua muiji ua Izalaiele, mukonda dia kikuma kiâ, a ambata ku ubhika, mukonda a ngi bhukumukina eme, emeʼeme nga a suekela ue o pholo iami, eme nga a bhakula bhu maku a jinguma jâ, ene oso ia a takuka ku xibhata.

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Matendelelu 29:24

Anga miji ia ifuẋi ioso ia kʼèla: Jihova oxi iii ua i bhangela-hi kiki? Kima kiahi kia bheka o njinda isoka kala kiki?