Jelemiia 22:3 - O Mikanda Ikola

³ Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Jelemiia 22:3 ပူးပေါင်းရင်းမြစ်များ

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Jobe 22:9

Atudi ua a kaie ni maku a hatu, o jihukunhu ua ji bukujula o maku.

Jobe 24:9

O jihukunhu ja tuana tua ndenge, a a katula muene ku mele a mamʼâ, kiximbi kia ngadiama a ki xikina muene.

Jisálamu 68:5

Tata ia jihukunhi, o dilemba dia ahatu a xala atudi, muene Nzambiʼó ku mbanza iê ikôla.

Jisálamu 82:4

Kudilenu ió uatolo o nguzu ni ió a mu bhondeleka; a tambudienu bhu maku a isuéia.

Jisálamu 94:21

A di vubula kumoxi enhoso mu kúdia ió aiuka, a jibhisa ió kala ni kikuma mba mulonga.

Jisálamu 94:6

Mutudi a mu jibha, ni nzuángiza, hukunhi a mu zubhidisa muene, ka mu xi.

Makatukilu 22:21

Nzuángiza kana ku mu bhanga phulu, kana ku mu bhikisa; kuma enu uenu mua kexile mu jinzuángiza mʼoxi ia Ijitu.

Makatukilu 22:22

Kana kutatesa mutudi (ua muhatu) mba hukunhu. (file).

Jisabhu 23:10

Kana ku sondolola o jimbambe jʼokulu, kana ku ta kinama kié mu mikáu iangene ia tokala anʼa di-fundu.

Jisabhu 6:17

o mesu ma tala ni izala, o dimi di tanga makutu, o maku ma zunza manhinga ma muthu ua kambe kikuma,

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 58:6

Abha o kujila ku nga solo eme, ki kuku? kuila u jituna jingoji joso ja kubhuma, ni mikolo ioso ia ubhika? Hé u bhana ufolo ku jihukunhi, o jungu ioso u i tolojola?

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 22:17

Maji o mesu mé-eie-phe ni muẋima ué, ua lungu ngó ku unjenje ué, ni ku manhinga ma muthu ua bene, phala ku ma bhubhisa, ni mu kubhondeleka, ni mu ku suina phala ku di bhanga.

Jelemiia 26:16

Bhenhobho-phe, adiakime, ni kifuxi kioso, ambela jinganga, ni jipolofeta, exi: Muthu iú ki muedi ua kalunga, kuma mu dijina dia Jihova, Nzambi ietu muene-muène mua tu zuelela.

Jelemiia 5:28

U a sanga a nete ni ene, aẋanana, o ku ungumba a somboka imbokoto; anʼa madifundu ka a fundila dimanda, exi avula kubhanduluka; mba ngó o jiphulungu ku a batuila milonga.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Kuditenda 3:36

kúdia o mangonha kua mukuenu bhu dimanda diê, Jihova manhi kienhiki ka ki monʼuê?

Izekiiele 18:12

ni kubhondeleka o phulungu ua tate, ni kunhana, o kia mu ximbikila ku dikongo ka xikina ku ki vutula, uenda ni kuzambula mesu mê ku mahamba, ni kubhanga ima ia isunji;

Izekiiele 18:7

ka xikina kubhondeleka muthu uoso-uoso, o kiximbi kia mu ximbikila mukua dikongo u mu vutuila-kiu, ka xikina kunhana, o uala ni nzala u mu bhana kudia, hé u zuika kizuatu kua ió uala ni tuẋi.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Izekiiele 45:9

O Jihova Nzambi uambe kiki: Kuabhu kiá, tata, enu mu ilamba ia Izalaiele! O kubhanga nguzu ni kubhondeleka, ehenu-ku! muende ni kufundisa, ni kubatula mu kidi; ehenu o kífua kienu kia kuenda ni kubhunda-bhunda o mundu uami, Jihova Nzambi ua ki tange.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Amoji 5:24

Inda, o kufundisa kua kidi-phe, ku kunguluke kala menha; o ku batula milonga mu kidi, kuile kala kangiji ka mabhubha, ki kene dingi kukukuta.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 23:23

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

Matendelelu 10:18

Muene u batula mu kidi o milonga ia monʼa difundu, ni mutudi ua fundu muadi uê; nzuangiza u mu zola, u mu dikila ni kia kúdia ni kia kuzuata.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Matendelelu 24:7

Se bhu kala muthu unhana muthu ni mukuá, ku phange jê anʼa Izalaiele, phala ku mu bhanga mubhikʼê mba u mu ta uenji, hé u mu sumbisa, muii u kala kiki afue muene. Kifua phekalu ia ufusa muʼaxaxi kenu mua i bhuisa-mu.

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.

Matendelelu 27:19

Lamba dia ió uoso u lungulula o kidi kiangene kia nzuángiza, mba kia hukunhu, mba kia mutudi. Mundu uoso a kèla: Amén!

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.