Jelemiia 20:3 - O Mikanda Ikola

³ Anga ki bhita kuila o kuma ki kuakie Paxulu u jituna Jelemiia bhuʼtolongo. Jelemiia bhenhobho uixi: Jihova ka kuixana kuila eie Paxulu; maji Mangolomisabibi.

Jelemiia 20:3 ပူးပေါင်းရင်းမြစ်များ

Dimatekenu 17:15

Nzambi anga u ambela dingi Mbalahamu, uixi: Mukajiʼé Salai kuende dingi ni ku mu ixana Salai, maji dijina diê di kale kiá Sala.

Dimatekenu 17:5

Ni dijina dié, ka kuixana jinga dingi exi Mbalamu, maji dijina dié di kala kiá Mbalahamu; kuma nga ku bhange kukala u tata dia ndumba ia ifuẋi.

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Jisálamu 31:13

Ku athu-athu ngʼivua kufueta kua mundu ala ku ngi longolola, ngiia ni kusasumuka ku mbandu joso ni uoma; kuma enhoso ala ku ngi kanena eme, a te kikutu kia ku ngi katula o muenhu.

Izaía 8:3

Anga ngiia mu ku di mona ni polofeta ia muhatu, muene iú uemita, anga uvuala mona-diiala; Jihova u ngʼambela uixi: Dijina diê, mu luke Mahele-xalalaxe-baze.

Jelemiia 19:2

u di tele ku dikolo dia monʼa Hinome, dia lungila ku muelu ua kumbi, u boke kuenhoko maka moso nga-nda ku kuambela.

Jelemiia 19:6

Kienhiki Jihova ua tange uixi, talenu hinu kuiza izuua, kididi kiki ka kʼixana dingi Tofete, mba dikolo dia monʼa a Hinome, maji dikôlo dia kijibha.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Jelemiia 29:29

Sofoniia, nganga, anga mukanda uenhú u u tangela mu mátui ma Jelemiia, polofeta.

Jelemiia 46:5

Mukonda diahi nga mu mona akua uoma kubhana-ku makunda? Mazonda mâ a ma tolola, o mu kulenga ka mu tala dingi kuema; kuma uoma uavulu ua a kuata ku mbandu joso— Jihova ua ki tange.

Jelemiia 6:25

Ki mu di tele ku mukáu, mba muendela mu njila; kuma o nguma uala ni xibhata, o ku jimbandu joso kuala uoma.

Jelemiia 7:32

Kala kiki, Jihova uambe, kua-nda kuiza izuua, ia kuila kididi kiokio ka kʼixana dingi Tofete, mba dikolo dia monʼa Hinome; maji a kʼixana dikolo dia Kijibha; hé o imbi a kènda ni ku i funda mu Tofete muene kuma kididi né-ku dingi.

Kuditenda 2:22

Eie ua bhiti ku mbandu joso ni ku kolomona ima ioso i ngi kuatesa uoma, kala bhu kizuua kiene kubhongolola mundu ku fesa. Mu kienhiki, bhu kizuua kia bhixila o njinda ia Jihova, né ngó muthu ka bhuluka-bhu, mba usubhuka, lémbue. Athu oso u nga sase, eme nga a dikila, nguma iami-phe ua a jimisa o mbutu.

Izekiiele 13:9

O lukuaku luami lua-nda kubilukila o misesedi a mona kingoho ni kuzambula makutu; o mu kionge kia mundu uami ene ka kà kala-mu, mba ku a soneka mu jindunda ja muiji ua Izalaiele, né ue ngó kubokona mʼoxi ia Izalaiele; nda mu kʼijiie kuila eme-muène ngi Ngana dia Jihova.

Jipoxolo 16:30

Anga kiiadi kiâ u a bheka ku kanga, uixi: Enu jingana, eme ngi bhanga kiebhi mu kubhuluka?