Jelemiia 20:2 - O Mikanda Ikola

² Anga Paxulu u beta polofeta Jelemiia, iu ua mu te bhu ditolongo diala bhu muelu ua dikota ua Bejamí moʼnzo ia Jihova.

Jelemiia 20:2 ပူးပေါင်းရင်းမြစ်များ

I Jisobha 13:4

Anga ki bhita-phe, kuma, sobha kia zubha kuívua kia zuela muthu ua Nzambi, mu kuêlesa o kalatódio ka Betele, Jelobouamu u sunununa lukuaku luê ku thandu dia kalatódio, uixi: Mu kutienu. Maji o lukuaku luê-phe, lua sunuina kutuma ku mu kuta, lua kukuta, ni ku lu vutula dingi ku mukutu uê ka tena.

I Jisobha 22:27

anga mua kèla: Sobha uambe kiki: Diiala iú mu jikilienu mu kaleia, anga mu mu dikila jinga ni mbolo ia phaxi ni menha ma jingongo, katé eme kioso ki ngiza ni uembu.

II Malunda 16:10

Maji Aza u thathamena mumoni anga u mu ta bhu ditolongo mu dikuikilu; mukonda kienʼiki kia mu thathamesa kiavulu muene; Aza ue mu izuua mueneʼomo uandeka kiá kutatesa amoxi-moxi-mu ku kifuẋi.

II Malunda 18:23

Bheneʼobho phe Zedekiia, monʼa Kanana, ua di sunga anga u bhana huxi ku dikanu dia Mika, uixi: Nzumbi ia Jihova ia bhitila njila iebhi, mu ku ngi somboka eme, í ia ku zuelela eie?

II Malunda 24:21

Ene anga a mu ta kikutu kia ufe, hé a mu bûba ni matadi, mu lumbu lua inzu ia Jihova, kala kia ki tumina sobha.

Jobe 13:27

O inama iami ue, ua mu i tula ku iẋinji, u tonginina njila jami joso, o makànda mami ma inama u ma xindila jimbambe,

Jobe 33:11

U ngi ta inama iami bhu ditaka, o jinjila jami joso u ji tonginina.

Jelemiia 1:19

Ene-phe a-nda ku bhangela ku ku lua, maji katena ku ku tolola eie; mbata eme ngala ni eie bhuamoxi, phala ku ku kudila, Eme ngi Jihova.

Jelemiia 26:10

Adiakime-phe mua Juda, kioso kievu makʼama, a tunda mʼonzo ia sobha hé a banda kʼonzo ia Jihova hé a xikama bhu Muelu Uobhe ua inzu ia Jihova.

Jelemiia 26:8

Anga ki bhita kuila kioso-phe Jelemiia kia zubha kuzuela ima ioso ia muʼambelele Jihova kuila tangela-iu mundu uoso, ni jinganga, ni jipolofeta ni mundu uoso, a mu kuata, exi: Ni kidi kiene eie u fua.

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Jelemiia 36:26

Kiala-bhu kota phala muene, o kutuma dingi Jelamiiele, monʼa Hameleke, ni Selaia, monʼa Azediiele, ni Selemiia, monʼa Abidele, kuila a kute Mbaluke, o musoneki, ni Jelemiia dia polofeta; maji-phe Jihova ua a suekʼâ.

Jelemiia 37:13

Kioso muene kiala bhu dibhitu dia Bejamí, bhua kexile ue kabhitangu ka kilangidilu, dijina diê a muʼixana Jediia, monʼa Selemiia, monʼa Hananiia; muenhú hé u kuta Jelemiia dia polofeta, uexi: Eie ua mu lengela ku akua Kaldeia.

Jelemiia 37:21

Sobha Zedekiia anga u tendelela kuila Jelemiia a mu tule mu lumbu lua kilangidilu; hé aia ni ku mu bhana mbolo imoxi ku kizuua, ku nzunga ia akua kubhanga jimbolo, katé kiabhu mbolo joso mu mbonge; kienhiki Jelemiia anga u kala jinga mu lumbu lua kilangidilu.

Zakadiia 14:10

O ixi ioso ia kà kituka mukua ni kiphenza kia tundu mu Jeba katé ku Dimone ku mbandu ia Sulu ia Jeluzaleme; Jeluzaleme muene a kà mu zangeleka; ua kà tunga ua kà soma tunde bhu kididi kia dibhitu dia dianga katé bhu thungi; tundé bhu inzu ia matala ia Hananiiele katé ku makamenu-ma-vinhu ma sobha.

Matesu 21:35

Idimakaji anga i katula jiselevende jê, o iú a mu bhana kibetu, o iú a mu jibha, o iú a mu bûba ni matadi.

Jipoxolo 4:3

Anga a a kuata, a tuma ku a zekesa mu ʼaleia, kuma mu kumbi dia ngoloxi kiá.

Jipoxolo 5:18

Anga a tuma kukuata o Jipoxolo, a a jikila mu ʼaleia.

Jipoxolo 5:40

O ki exana Jipoxolo, a a bhesa jixikote, hé a a kidika exi kana kuzuela mu dijina dia Jezú, anga a eha.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.