Jelemiia 2:8 - O Mikanda Ikola

⁸ O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 2:8 ပူးပေါင်းရင်းမြစ်များ

I Jisobha 18:22

Bhenhobho Elija uambela o kifuẋi, uixi: Eme ngó ngi polofeta ia Ngana nga xala-ku, o jipolofeta ja hamba dia Bahale ala hama jiuana ni makuinhʼatanu a muthu.

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

I Jisobha 18:40

Elija anga u a tangela, uixi: Kuatenu jipolofeta joso ja Bahale, ki bhu lenge muthu. Anga a a kuata; anga Elija u kulumuka-nâ ku kangiji ka Kisone, anga u a jibhila kuenhoko.

Jobe 35:10

Maji ki bhuala ngó muthu, uila: Nzambi uala kuebhi ua ngi bhange, u bhuselela mimbu ia diximanu usuku uoso,

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 30:5

Ene oso-phe sonhi ja kà a kuata muene, mu dielela athu ka bhandulula ni kima, dikuatekesu lémbue, dibhandulukilu lémbue, ki bheka ngó sonhi ni mondo.

Jelemiia 10:21

Mbata abidi a kituka ima ia ngoho, nguâ kusota Jihova: kiene kia lembuela o kuzediua, o ibhaku iâ ioso i ia muangana.

Jelemiia 12:10

Abidi a nzungule a ngi senguluila o mulenga uami ua mivide, a diata-diata díbhia diami, o díbhia diami di ngʼene mu kuinda a di kitula kikangalakata kia hatu.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 7:8

Nga mono kuma enu mua dielela maka ma difila, ki ma tena kubhandulula kima.

Jelemiia 9:14

O Kiala-bhu a kaiela ngó kia a tumu o muẋima uâ, ni kukaiela o mahamba ma Bale, ma a longesa kuala o jitata jâ.

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Izekiiele 34:2

Eʼ monʼa muthu, tá muzambu ua kuzoka ni abidi a Izalaiele; zambula, u tangele abidi, uixi: O Jihova Nzambi, uambe kiki: Lamba dia abidi a Izalaiele a mu dʼingâ ngoho ene! Manhi o abidi kène mu kuinga o jimbudi?

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Luka 11:52

Lamba dienu, enu mu jimesene ja Kitumu! Mukonda o sabhi ia dibhitu dia inzo ia kuijiia, enu mua i katula-ku. Enu muedi enʼ uenu ki mua bokona, o iá eju bokona mua a fudisa.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.

I Samuuele 12:21

Kana kuabhuka mu kukaiela mahamba, mukonda se mu ki bhanga muandu kaiela ima ia ngoho, ki i tena kubhandulula, ki i tena kukudila muthu, kuma ima ia kingoho.

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.