Jelemiia 2:34 - O Mikanda Ikola

³⁴ Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Jelemiia 2:34 ပူးပေါင်းရင်းမြစ်များ

II Jisobha 21:16

O kia di-te-ku dingi o Manasa ue ua zunza manhinga a vulu a athu a bene katé Jeluzaleme kia mu izalesa ngó ni manhinga tundé kua tundu katé kua suku; katu-ku hanji o kituxi kiê kia bhangesa na-kiu Juda o ku-ta kituxi ni kubhanga ima ki ia fuama bhu mesu ma Jihova.

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Makatukilu 22:1

Hé muthu u nhana ngombe mba mbudi, nʼa i jibha, mba u i sumbisa, ngombe u i futa ngombe jitanu, o mbudi u i futa mbudi jiuana.

Makatukilu 22:2

Se muii a mu kuata uala kubula inzu ia ngene, anga a mu kuama hé u fua, ki bhu kala mulonga ua manhinga kua iú ua kuamʼô, mukonda diê.

Izaía 57:5

Mua senduka ni mahamba bhu makota a miẋi ia uisu, ni ku satela tuana ku jingiji, ni mu mabânda a matadi?

Izaía 59:3

Mbata maku menu ma kasana ni manhinga, o milembu ienu ia kasana ni ikuma; o mizumbu ienu i tanga makutu, o dimi dienu dizuela isunji.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 2:33

Kifua kiene ki ukembesa o njila iéʼokio mu sota o henda? Ki kia bhingi katé-phe ni ahatu a idianzunga, eie ua a longo o jinjila jé.

Jelemiia 6:15

Ene o kia bhanga o ufusa manhi a kala ni sonhi? lémbue! ene kene mu kala ni sonhi ia kima, né ngó bhuʼofele kuijiia kioso ki kuata o sonhi, kala kiki ene ue a-nda ku di bhala kumoxi ni iá a dibhale; a-nda ku di lukula bhoxi, bhu kithangana ki nga-nda ku a zungila, Jihova ua ki tange.

Jelemiia 7:31

Ia a tungu matala ma Tofete, mala mu dikolo dia monʼa Hinome, phala muene mu ohela anʼâ a mala ni a ahatu mu túbhia; o kima nuka ngʼa tuma-kiu, mba ki ngi tunda ngó ku muẋima.

Jelemiia 7:6

Se mu kamba ku talesa hadi ku nzuá-ngiza ni monʼa difundu ni mutudi, mba kuzunza manhinga ma muthu ua kambe kikuma, bhu kididi kiki, mba ku kaiela jinzambi jengi mu ku di bhanga enuʼenu phulu,

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Kuditenda 4:14

A babajala mu kuenda kala ifofo mu jinzunga, a di kasanesa ni manhinga; Ki bhinga-phe muthu ka tena kubabata ku izuatu iâ.

Izekiiele 20:31

O kioso enu ki mua mu bhakula o maujitu menu, anga mu bhitisa anʼenu mu túbhia, ki kidi kiene kuila enu ue mua di kasanesa ni iteka ienu ioso, katé mu kizuua kia lelu? Enu tata, mu dibhata dia Izalaiele, hádia mu ngʼibhula? Jihova Nzambi uixi: Kikola! Enu hádia ki mua-nda ku ngʼibhula dingi.

Izekiiele 22:25

O kikutu kia ufe, kia jipolofeta jê, kiala mu kaxi kê; mukua ni hoji ia mu zuma, ia lundama o mbole; ene uâ a dia o mienhu; o jimbongo ni ima iate kiavulu a i ambata, a vudisa nzungule ia atudi mu kaxi kê.

Izekiiele 23:45

Kala kiki, a kà a fundisa kuala athu aiuka, a kà a fundisa muene kala kia fundisa ahatu a ta o jiphanda, mukua ni kia fundisa o ijibhanganga; mukonda ene ala ati-a-jiphanda, o ku maku mâ kuala manhinga.

Izekiiele 24:7

mukonda o manhinga mê ala muʼaxaxe kê, ua ma tula ku thanduʼa ditadi dia kabhuetete; ka ma zunzila bhoxi, kana, phala ka a vungine ni mavu.

Izekiiele 9:9

Muene-phe uixi: O kuiibha kua dibhata dia Izalaiele ni dibhata dia Juda kua vulu kinene, o ixi i iezala manhinga, o mbonge iezala mangonha; ene amba, exi: O Ngana ixi ua i ambula. Kiene Ngana kia mu kambela kumona.