Jelemiia 2:30 - O Mikanda Ikola

³⁰ Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 2:30 ပူးပေါင်းရင်းမြစ်များ

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 19:14

Muene-phe, uixi: Eme Ngana Nzambi Ia Ifuẋi nga mu dielela kiavulu, ngala ue ni muanu ua vulu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka uami, maji a mu sota dingi ku ngi katula o muenhu uami.

II Malunda 24:21

Ene anga a mu ta kikutu kia ufe, hé a mu bûba ni matadi, mu lumbu lua inzu ia Jihova, kala kia ki tumina sobha.

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 59:3

Mbata maku menu ma kasana ni manhinga, o milembu ienu ia kasana ni ikuma; o mizumbu ienu i tanga makutu, o dimi dienu dizuela isunji.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 31:18

Nga kʼivu muene kiambote kuila Ifalaíme ua kexi mu ku di tenda, uixi: Eie ua ngi bhe jingongo, eme nga mono ngongo, mukuâ ni kamona ka ngombe kiluua hanji kʼejidila; ngi bilule mu kudiela, phala eme ngi diele, mukonda eiʼeie u Ngana dia Nzambi iami.

Jelemiia 46:14

Exi: Tuienu mazelele mu Ijitu, kiki ivisenu-kiu bhu Mingidole, jimbulenu-kiu a kivue mu Nofe ni mu Tafane; tangenu, muexi: Di bhakule, u di lunge; mukonda o xibhata ia di kiá kioso kia ku kexile mu jimbandu jé.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 7:28

Eie ua kà ambela uixi: O kiki kiene o kifuxi kia lembua ku bhana o mátui ku dízui dia Jihova Nzambi iâ, ka xikina kuivua kibazu: Kidi kia jimbidila, mu kanu diâ kiòkatule-mu.

Kuditenda 4:13

Kima kiki kieza mukonda dia ituxi ia misesedi, ni phulu ia jinganga, a ẋiamuine o manhinga ma athu aiuka, a ma ẋiamuina muene mu kaxi ka Jeluzaleme.

Izekiiele 22:24

Eie monʼa diiala, mu tangele, kuila: Eie u ixi ia xidi, ia kambe o mvula, bhu kizuua kia njinda.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Sofoniia 3:2

Kʼevu ki zuela muthu, ka xikina ku mu longa mba ku mu beta; ka dielela kua Jihova, mba u xikina kuzuama kua Nzambi iê.

Matesu 23:29

Lamba dienu, enu muene mu longa o Kitumu ni enu mu jifalizeu, mu akua mangonha! Kuma mu tunga ni kuiuka kuoso o jimbila ja jipolofeta, mu kembesa ku iina ia athu aiuka,

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

I Tesalonika 2:15

Kuma o Jijudé edi ni kujibha Ngana Jezú, ni kujibha o jipolofeta jâ, ni ku tu kaiesa etu. Athu a kamba kuuabhela Nzambi, ia a di bhange jinguma ja mundu uoso.

Dijingunuinu 16:9

Athu anga auka mu kutema kuê kuavulu. Ene anga a ẋonguena o dijina dia Nzambi uala ni kutena kua kubheka mabhebhu kala iá! Maji o athu nguá-uâ-phe kudiela o ituxi iâ, ni kuximana o unéne ua Nzambi.