Jelemiia 2:3 - O Mikanda Ikola

³ Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Jelemiia 2:3 ပူးပေါင်းရင်းမြစ်များ

Makatukilu 22:29

Kana kukokoloka mu kulumba ku idima ié ia dianga ni ku izunzu ié i u zunza mu matangi ma kukama jiúva. Anʼé a mala, a phande-kumbi, u ngi lumbila-nâ eme.

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Izaía 41:11

Talesa, oso a ku kala ni luma, ala ku ku langata, sonhi ja-nda ku a kuata, a kakuka muene; a-nda kujimuka, oso a kuata kuzoka nʼeie, a kà jima mbutu.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Jelemiia 12:14

Jihova uambe kiki, ku mbandu ia nzukame jami joso ja ibha a mu bhunda o undundu uami, u nga lunduisa o mundu uami ua Izalaiele: Talesa, nganda ku a vuza moxi iâ, o dibhata dia Juda hadia ngi di vuza muʼaxaxi kâ.

Jelemiia 2:4

Ivenu kizuelu kia Jihova, enu dibhata dia Jakobo, nʼenu mu madiembu moso ma dibhata dia Izalaiele.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 50:7

Eneʼoso a kexi muʼia ni ku ji bonga, aia ni ku ji diʼâ; o jinguma jâ aia ni kutanga, exi: Ki tuandu kala-ku ni kikuma; mukonda ene a te kituxi kua Jihova, uene o Kibuta kia Kuiuka; xi, kua Jihova, o Kidielelesu kia jitata jâ.

Jouele 1:3

O kienhiki tangelenu-kiu anʼenu; o anʼenu a ki tangele ue anʼâ, o iá ua ku muiji ua mukuá!

Amoji 6:1

Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Habakuke 1:11

Hé a bhita mukuâ ni kitembu kia kibhungu, anga endelela muene nzaká; enhá-phe à kala mu kuêla muene, kuma a fika a ki bhange ni nguzu ia tundu kua nzambi iâ.

Zakadiia 1:15

Maji ni njinda ia vulu-phe, nga thathamena miji iene mu ku di dielela ienʼiê, kuma kioso eme ki nga thathamena Izalaiele bhuofèle ngó, ene a suina dingi mu kubhanga kiaiibha.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

Dialuilu 18:12

Ku maji oso ambote, ni ku mákunua oso ambote, ni ku jimbundu joso jambote, ni ku ibundu ia ioso ia mutômo, ia bhakula kua Jihova, nga ku bhana-iu; eie.

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

Loma 16:5

Menekenenu ue o Ngeleja iene kubhongolokela mʼ onzo iâ. Menekenenu Epêneto, mukua kazola kami, muene o kibundu kia dianga mu ku ki bhakuila Kristu mu Azia.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Matendelelu 14:2

Mbata eie u kifuẋi kiangene kia Jihova Nzambi ienu; o Jihova phe ua mi tungula ku ifuẋi ioso ia dizale bhoxiʼabha, phala mu mu kale mu mundu uê ua mu tokala.

Matendelelu 26:19

Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.