Jelemiia 2:23 - O Mikanda Ikola

²³ Eie uala kuila kiebhi: Eme kana ki nga di kasanesa ki nga xingidisa mahamba a Bale? Talesa o njila ié mu dikolo muná, uijiie kioso ki ua bhange, tongolola-kiu kuma uala u kamelu ka sakalala, ni kuenda jihonda mu njila jê.

Jelemiia 2:23 ပူးပေါင်းရင်းမြစ်များ

Estere 8:16

Jijudé anga a kala mu kuimba, ni kutana, ni ngalasa, ni ujitu mukonda kua a tuila mukengeji uâ.

Jisálamu 36:2

Kuma o muthu mu kuxinganeka kuê, u di bhomba kuila kituxi kiê ki kia-nda kutukuluka, phala athu ku mu sebulula.

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Jisabhu 30:20

Kiene ue o njila ia muhatu mukua jiphanda; muene uila udia, u kondona ku dikanu diê, uixi-phe: Emeʼamʼiú, ki nga teʼami kituxi.

Jelemiia 14:10

Jihova uambe kiki, ku mundu iú; kuma ene a uabhela kinéne o kubaluka, inama iâ ka i ximbakatesa dingi, kienhiki Jihova ua di kumu-nâ, maji o kindala ua-nda ku xinganeka dingi o kuiibha kuâ, anga u bhana njumbu ku ituxi iâ.

Jelemiia 16:10

Kia kà kala-phe kiki: O ki uà kèla ua zubha ku a jimbuila maka mosoʼ ama, ene anga a ku ibhula kuamba: Phalahi-phe Jihova u tu xindila divuua dionéne didi? Kikuma kietu kiahi ni kituxi ki tua te kiahi kua Jihova Nzambi ietu?

Jelemiia 2:36

Eie ua tutumbilahi kiosuʼokio ni ku lungulula njila iê? Ni ku Ijitu kuenhoko a-nda kua ku kuatesa jisonhi, kala kia ku kuatesele-ju ku Asídia.

Jelemiia 3:2

Bhetula mesu mé ku matala u mone: kuebhi ku bhangela-ku undumbu? O mu ikoka ua a xikamena jinga, kala mukua Alábia u batuila mʼoxi ia kisekele: mu kubhanga kiki ua kasanesa oxi ni undumbu ué ni usuéia ué.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Jelemiia 7:31

Ia a tungu matala ma Tofete, mala mu dikolo dia monʼa Hinome, phala muene mu ohela anʼâ a mala ni a ahatu mu túbhia; o kima nuka ngʼa tuma-kiu, mba ki ngi tunda ngó ku muẋima.

Jelemiia 9:14

O Kiala-bhu a kaiela ngó kia a tumu o muẋima uâ, ni kukaiela o mahamba ma Bale, ma a longesa kuala o jitata jâ.

Hozeia 1:2

Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.