Jelemiia 2:18 - O Mikanda Ikola

¹⁸ O ki tualʼiki-phe njila ia Ijitu uala na-iu ni kima kia-hi, phala kunua menha ma Sihole? ni njila ia Asídia uala na-iu ni kima kia-hi, phala kunua menha ma ngiji?

Jelemiia 2:18 ပူးပေါင်းရင်းမြစ်များ

II Malunda 28:16

Mu thembu muenhomo, sobha Akaji u tuma kuambela jisobha ja Asídia phala ku mu kuatekesa.

Izaía 23:3

ni kubhandulukila ku mbutu ia Sidolo ienda ni kuijiia ku hungulule ionéne ia Nilo, bhu thembu ia kumuna jindombe jê, muene Tilu iú ua di bhangele kitanda kia akua jʼixi.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 7:20

Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Jelemiia 2:36

Eie ua tutumbilahi kiosuʼokio ni ku lungulula njila iê? Ni ku Ijitu kuenhoko a-nda kua ku kuatesa jisonhi, kala kia ku kuatesele-ju ku Asídia.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Kuditenda 4:17

Etu-phe mesu a sukile ni kutalela kuoso ku tu tunda o dikuatekesu, manhi tua di nganala mu ku kinga; o kudielela kuetu kua kingoho. Anga tu kuata kuzonguela bhu matala ni kutalela ku kifuẋi ki ki tena kukudila muthu.

Kuditenda 5:6

Tua leka o maku etu ku akua Ijito ni ku akua Asídia, phala a tu ikutise ni kúdia.

Izekiiele 16:28

Ua bhange ue undumbu ni ana a akua Asídia, mbata eie ki ua kexi, ua kexi u kiuaia kionéne, o u ku zubha o hânji ka moneka; o ki uata jinga-nâ jiphanda, hanji, né kienhókio, ki ki ku soko.

Izekiiele 17:15

Maji muene-phe ua mu bhukumukinʼé, iu ua tumikisa jiphunga ku Ijitu, mbé a mu tumikise jikabalu ni mundu uavulu; muenhó u bhanga ima iii, mbé u zediua hé u subhukʼé muene? Inga u bula o kikutu, u tena kusubhuka?

Izekiiele 23:30

O ima ienhiʼii iene muene ia-nda kuà ku bhanga, mukonda eie ua bhange undumbu mu ku kaiela o matumbu, eie ua di kasanesa ni mahamba mâ.

Hozeia 5:13

Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Josuué 13:3

Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;