Jelemiia 2:16 - O Mikanda Ikola

¹⁶ Katé ni anʼa Nofe ni anʼa Tafane, a ku bulu katutu ka uongo.

Jelemiia 2:16 ပူးပေါင်းရင်းမြစ်များ

II Jisobha 18:21

Eie-phe ua dielela Ijitu, o mbangala ia bukukʼoio, ia bhingi se muthu u i kuata ni nguzu mu ku sota kudi-fikidila, iene i mu bokuena bhu kanda dia lukuaku hé i mu tundila ku kanga? Kiene-zʼiki kiala Falaó, sobha ia Ijitu, phala oso a mu dielela muene.

II Jisobha 23:33

Maji o Falaó dia Neku ua tumu ku mu kutisa, ua tumu ku mu kutisa bhu Díbala, mʼoxi ia Hamate, mbé muene ka kale mu tumina dingi mu Jeluzaleme; o ixi ua i bhana o njumbu ia kufuta hama ia jitalendu ja phalata ni talendu imoxi ia ulu.

Izaía 19:13

Kiene ki ngambe, ngixi: O makota mu Zouane a kituka ioua, o ilamba ue mu Nofe a di-nganala; enhá a kà tondalesa Ijitu; ene a a kitile ditadi dia thungi dia fikidila ibuka iâ, ia miji.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 8:8

Ma-nda kubhita mu Juda, Juda ioso i boba mu menha, anga ma kuata ku ditutila-mu katé ma a bhixila mu xingu; o mabhabha mâ mu kuzanza, ma kà soka ni kuzanza kua oxi iê ioso, eie u Imanuuele.

Jelemiia 44:1

O Kizuelu kieza kua Jelemiia, ku mbandu ia jijudé joso, ja tungu mʼoxi ia Ijitu, a kexile bhu Mingidole, ni bhu Tafane, ni bhu Nofe, ni mʼoxi ia Patulu, kiexi;

Jelemiia 46:14

Exi: Tuienu mazelele mu Ijitu, kiki ivisenu-kiu bhu Mingidole, jimbulenu-kiu a kivue mu Nofe ni mu Tafane; tangenu, muexi: Di bhakule, u di lunge; mukonda o xibhata ia di kiá kioso kia ku kexile mu jimbandu jé.

Jelemiia 46:19

Eie-phe di lunge, phala kuia ku ubhika, eie u thungi, u monʼa kilumba ua Ijitu; mukonda Nofe a-nda kuà mu sengulula, ua kà uama kala makala ma túbhia katé ki mua kà tena dingi kutunga muthu uoso-uoso.

Jelemiia 48:45

A kexile mu kulenga, nguzu jabhu ia a sukamena mu kilembeketa kia Hexebone; maji túbhia tua tundu mu Hexebone, ni mulengu mu kaxi ka Sihone, ua jikinisa thungi ja Mouabhe ni nguzu ia iiala ia bhumu.

Izekiiele 30:13

O Jihova Nzambi uambe, kiki: O mahamba ue nga-nda kua kà a muanga-muanga, anga ngi zubha-ku o iteka ia Nofe; ki kua kà moneka dingi kilamba ua tokala mu ixi ia Ijitu; hé mʼoxi ia Ijitu nga kà tà-mu uôma.

Izekiiele 30:16

Mu Ijitu nga kà uika-mu milengu ia túbhia; o Sine ua kà kala ni misusu ia ndumba, o Nôno ua kà baza, o Nofe ua kà kala ni dinhengena mu izuua ioso.

Hozeia 9:6

Mukonda nga mono kuila ene ai mbé o kulenga kibuika, maji o Ijitu-phe ua-nda ku a tambulula, o Mefize ua-nda ku a funda mu kina; o phalata ia solele miẋima iâ, ia kà kituka undundu ua ngene ua kasau-sau, o mu jinzo jâ mua kà sabhuka minha.

Matendelelu 33:20

Anga utanga Ngadi, uixi: A tane-ku, uoso usanzumuna Ngadi; Ngadi utunga muene kala mama ia hoji, u saúna lukuaku, ubula kisòko-soko, kia mútue uê.