Jelemiia 2:14 - O Mikanda Ikola

¹⁴ Manhi Izalaiele mubhika? inga mamvala? a mu kutila-hi-phe kiki?

Jelemiia 2:14 ပူးပေါင်းရင်းမြစ်များ

Makatukilu 4:22

Bhenhobho eie ua kʼambela Falaó, kuma: Jihova uambe kiki: Izalaiele monʼami, monʼami ua phande-kumbi.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Ndongixi 2:7

Nga sumbu abhika a mala ni abhika a ahetu; nga kexile ue ni abhika a a vualela kiá ku bhata diami; nga vuile ue ndumba dia jingombe ni jimbudi, ene oso a ngi diangelele mu Jeluzaleme ndenge.

Dimatekenu 15:3

Mbalamu anga uzuela dingi, uixi: Tala-ze, Ngana, eme kua ngi bhana mbutu; kikale-phe o mamvuala, mubhika a mu vualela mu bhata diami, muene u ngi lundula o dibhata.

Makatukilu 12:49

Kijila ki kala kiene kimoxi, phala iú a mu vualela ku bhata ni iú muthu uengi ueza kutunga muʼaxaxi kenu.

Jelemiia 5:19

Anga ki bhita kuila, kioso enu ki muila: Jihova Nzambi ietu ua tu bhangela-hi ima ioso iii? Eie-phe ua ambela: Kuma enu mua ngi xisa, enu mua bhikila jinzambi jengi mʼoxi ienu, kiene-phe ue ki mua-nda kubhikila jingana jengi, moxi ia athu engi.

Jelemiia 17:4

Eʼ muenhé-phe ua di bhange-kiu, eie ua-nda ku di kakula ubhinganu ué, u nga ku bhele, anga ngi ku bhangesa ku bhikila o jinguma jé, mu ixi kua ijiia; kuma o túbhia tu ua bambula ku njinda iami tuà uamena-ku muene katé ku hádia ni hádia.