Jelemiia 2:13 - O Mikanda Ikola

¹³ Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 2:13 ပူးပေါင်းရင်းမြစ်များ

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

II Phetele 2:17

Athu enhá edi kala jifiẋi ja kambe menha, mukuâ ni mbundu, a i kaia-kaia kuala kitembu. Nzambi ua a solela kididi mu usuku iuná ua a xikamena uedi ni uene bûi.

Jelemiia 2:17

Mbé o kiki kʼeie muene ua di sotelè-kiu, o kuxa Jihova Nzambi ié, bhu kithangana kia muene ku kuendesa mu njila?

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Izaía 5:13

Kala kiki, mundu uami a kà uambata muene ku ubhika, mukonda kala ni kilunji! Ilâmba iâ a kà di-huha hanji ni nzala, kifuxi kiâ kia kà kala muene ni kikaku kia menha.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 1:2

Kingoho mu kingoho! Mulongixi, uixi: Kingoho mu kingoho! Ioso muene ukumbu ngoho!

I Samuuele 12:10

Ene anga a dikola kua Jihova, exi: Tua te kituxi, mukonda Jihova tua mu baluka, etu tua bhikila Jibaale ni Axitalote; kala kiki-phe tu kudile bhu maku ma jinguma jetu, ni tu ku bhikile kiá eie.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Jelemiia 2:26

Kala ki tandanganha o muiii kuila a mu kuata, kiene ue ki tandanganha akua bhata dia Izalaiele; ni ene ni jisobha jâ, ni ilamba iê; ni jinganga jâ ni jipolofeta jê.

Ndongixi 2:21

Kuma sai muthu o kikalakalu kiê u ki bhanga ni unjimu uoso ni kuijiia kuoso ni uhete ua maku a sakalala, maji, o mungu, u ki xilé ngó muthu uengi ka kalakala-ku; ki kituka dikânda diê-muène kiá. Kidi muene. Kiki ue ukumbu ngoho ni nzungule ia dibhuilu!

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Afundixi 10:13

Sumbala kiene, maji eme mua ngi baluka, muala kubhikila nzambi jengi; kala kiki-phe eme uami nguami dingi ku mi kudila.

Mikeia 6:3

Eie u Kifuẋi kiami! mulonga uahi u nga ku tela? nga ku lokalala ni kima kiahi? ndoko ngi tangele hanji, nda u ki bhele umbangi.

Mikeia 2:8

Kindalʼiki akua muiji uami a balumuka mu ku lunguluka mukuâ ni nguma; iú ua kexile mu kubhita njila ié o thanga a mu bhûndu-iu, edi kala mala ala kutunda ku ita.

Jelemiia 18:14

Manhi muthu u di fulʼé o neve ia Libanu anga u sola mukáu ua di zale ndanji? inga o menha ma talala ma tunda makanga ni ku kunguluka ene ku ma landuka?

Jelemiia 5:26

Mbata muʼaxaxi ka mundu uami muala ni akua-phulu: Muthu ni muthu uenda ni kubatamena, kala akua kuolekela mabhebhe a tunjila; oleka mibhetu iaiibha muenda ni kukuatela o athu.

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 4:11

Muhatu, uixi: Ngana, eie kuala ni kizenzu kia kusunga na-kiu o menha, kixima kia zongo. O menha ma muenhuʼó, u ma sanga kuebhi?

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Izekiiele 47:1

Kia bhiti imʼiii, ua ngi vutukisa bhu muelu ua Tembulu, mu kutala nga mono menha ala kutunda bhu kikota kia muelu ua Tembulu, a kungulukila ku tundila o dikumbi; mukonda o inzu iene ue ia lungila ku thunda, o menha a kexile mu kufuáfua koxi, ku mbandu ia kadilu iaʼnzu, o mbandu ia uombe ia Kalatódio.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

II Jisobha 22:17

Mukonda ene a ngi xisa, ia ohela uasu ua dizumba ku jinzambi jengi, mbé o ku ngi lokalala o kutema mu ibhangelu ioso ia maku mâ; o njinda iami ia bambukila kididi kiki, ki ia-nda ku xikina ku jima.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.