Jelemiia 2:11 - O Mikanda Ikola

¹¹ Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 2:11 ပူးပေါင်းရင်းမြစ်များ

I Jisobha 11:33

Mukonda Solomá ua ngi xisa iú uaii mu kubheza Axitalote, o nzambi ia muhatu ia akua Sidone, ni Kamo o nzambi ia akua Mouabhe, ni Milikome, o nzambi ia anʼa Amone. Nguaiê kuendela mu njila jami, ni a bhange kia iukila ku mesuʼami, ni kualuka o ijila iami ni itumu iami, kala kia bhanga jinga tatʼâ Davidi.

II Jisobha 1:3

Maji o anju ia Jihova i ambela Ilija, o tejibita, kuila: Ndoko, balumuka u bande mu kutakana ni jiphùnga ja sobha ia Samádia, u a tangele, uixi: Manhi mu Izalaiele kana-mu Nzambi, ki mi bhekesa enu kuia mu kuibhula Bale-zebubu, nzambi ia Ekolone?

II Malunda 13:9

Enu ki mu kaie o jinganga ja Jihova, anʼa Alá ni jilevita, enu mua di bhangela jinganga jenuʼe-nuenu, kala akua jixi jengi? Uoso-uoso uiza mu ku di lumba ni kamona ka ngombe ni sambuadi dia ilumbe ia jimbudi, kithangana kieneʼokio u di bhanga kiá nganga ia ió ki jinzambi ja kima.

Jisálamu 106:20

A xia ió ukôla, ua a bhana kijingo, a kôlesa o kidifua kia ngombe, mukua kúdia iangu.

Jisálamu 115:4

Iteka ia ene phalata ni ulu, ima ia kalakala athu ku maku.

Jisálamu 3:3

Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Jelemiia 16:20

Mbé o muthu u di iudikila muene o jinzambi jê, o jene sumbala ki jinzambi?

Jelemiia 18:13

Uila kiki, Jihova uambe; ibhulenu kindala muʼaxaxi ka matumbu mba mukuahi uevile kima kala kiki? monʼa kilumba mu Izalaiele-ze ua bhange kima ki kuatesa uoma!

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 5:7

Kala kiki, o Jihova Nzambi uambe kiki: Mukonda enu mua beta o kuvudisa o ikuma ienu, o miji ioso ia mi kala mu jimbandu jenu iala ndenge, mua fulu kuenda mu jingonge jami, nguenu kubhanga o mabatuilu mami, né kiá ngoho o kubhanga kia tumu o mabatuilu ma miji iengi iala mu jimbandu jenuʼenu, lémbue!

Mikeia 4:5

Mukonda o kiki ifuẋi ioso a mu kuendela, muthu mu dijina dia nzambi iê, muthu mu dijina dia nzambi iê; etu-phe tua kʼèndela mu dijina dia Jihova Nzambi ietu, ku izuua ni izuua ki iene ni dizubhilu.

Loma 1:23

Bhu kididi kia kubheza Nzambi ka tena kufua, a bheza kiteka kiòkalakale mu kidifua kia muthu mukua kufua, ni kia jinjila, ni iama ia inama iuana, ni ibâmba i zanzala bhoxi.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Ngalásia 4:8

Mu thembu iabhiti mʼ ukulu, mukonda dia kukamba o kuijiia Nzambi, mua kexi kubhikila jinzambiʼ ojo ki jinzambi ngó ja kidi.

Matendelelu 32:16

A mu lokalala ni jinzambi jengi, phala ku mu bhekesa difuba; a mu thathamesa ni ma-ufusa mâ.

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

I Samuuele 4:21

Mona anga u mu luka Ikabode, kuma uixi: Kijingo kia tundu kiá mu Izalaiele, mukonda ue dia álaka ia Nzambi a i tambula, ni mukonda ue dia ukouʼê ni munumeʼê.