Jelemiia 19:3 - O Mikanda Ikola

³ U zuele, uixi: Ivenu kizuelu kia Jihova, enu mu jisobha ja Juda, ni akua bhata mu Jeluzaleme: Jihova dia Ilombo Ieta, Nzambi ia Izalaiele, uambe kiki: Talenu, nga-nda kubheka hadi ia dikota bhu kididi kiki, o uoso-uoso uanda ku ivua, mu mátui mu-ia ni ku mu diʼtaiela.

Jelemiia 19:3 ပူးပေါင်းရင်းမြစ်များ

Jisálamu 102:15

Athu mu jixi kiene kia kà kala ni uoma ua dijina dia Jihova, o jisobha ja mu ngongo anga jenda ni ku ku bhana o fuma.

Jisálamu 110:5

Ngana ua ku imanena ku mbandu ié ia madilu, muene u kuama o jisobha, bhu kizuua kia njinda iê,

Jisálamu 2:10

Kiki-phe, enu mu jisobha, kuatenu kilunji; ivenu phangu, enu mu afundixi mu ngongo.

Izaía 28:19

Dilúvio dia-nda ku mi bhituila bhu dimatekenu bhene, kuma dilúvio diodio di bhita jinga imene ioso, muanha ni usuku; mu kuívua ngó o fuma iê, ki bheka kubhondalala kua dikota.

Jelemiia 13:18

Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.

Jelemiia 17:20

U a tangela: Ivenu kizuelu kia Jihova, enu mu jingana mu Juda, nʼeie u Juda iosololo, ni enu oso mua tunga mu Jeluzaleme, oso muene ku bokuena bhu mielu iii.

Jelemiia 18:11

Kala kikiphe, ka tangele akua Juda kindala, ni akua bhata mu Jeluzaleme, uila: Eme Jihova uambe kiki: Talenu, nga mu funha divuua phala enu, eme ngala ku mi ta kikutu kia ufe; bilukenu-ze, kindala, kala muthu a xe njila iê ia iibha, mu iukise o jinjila jenu ni ibhangelu ienu.

Jelemiia 19:15

Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.

Jelemiia 25:29

Talesenu hanji kuma mu mbonge ia luku dijina diami, muene mu ngʼandekela kubhana njumbu; kifua enu mu subhukenu? Kana, ki mu tena ku subhuka, mbata eme nga-nda kuixana xibhata ku thandu dia oso a tungu mu ngongo, Jihova dia Ifuẋi ua ki tange.

Jelemiia 35:17

Kienhiki-phe Jihova, Nzambi ia Ifuẋi, o Nzambi ia Izalaiele, uambe kiki: Nga-nda ku bheka ku thandu dia Juda ni ku thandu dia oso kiá a tungu mu Jeluzaleme, ku ibha kuoso ku nga tange ku thandu diâ, mbata eme ngène mu zuela, ene nguâ kuivua; nga kolo kokuâ, ene ka ngʼitaia.

Jelemiia 44:3

Mukonda dia kuiibha kuâ kua bhanga jinga, phala ku ngi thathamesa, kioso kiʼàia jinga mu kuoha uasu ua dizumba ni kudiundila jinzambi jengi, ja bhingi ene ka jʼijidile ngó, né ene, mba enu, mba o jitata jenu.

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Izekiiele 7:5

Kienhiki ki ambe Jihova Nzambi, uedi: O kuiibha, talesa-ze kuiibha ku moxiʼèlele ngoho, kua-nda kuiza.

Matesu 10:18

Katé muene ni bhu pholo ia jinguvulu ni enexi a kà mi bheka-bhu mukonda diami, mu ku a bhana o umbangi ua Njimbu Iambote, ni ene ni akua jixi jengi.

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

I Samuuele 3:11

Jihova anga u ambela Samuuele uixi: Talesa nga-nda kubhanga kima mu Izalaiele, kia bhinga uoso u kʼivua mátui mê maiadi moso ma mu titila.