Jelemiia 17:9 - O Mikanda Ikola

⁹ O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 17:9 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

II Samuuele 11:15

Mu mukanda anga u soneka kiki, uixi: Udiia mu tienu ku pholo kuoso kua temanana o ita, enu mu vutuke ni dima, mu mu ehele-kiu ubheka uê, phala a mu kuame, a fue.

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Jisálamu 64:7

Nzambi phe hinu u a asa ene; hinu a tukumuka musongo uê ua a kuata kiá!

Jisabhu 28:26

Muthu uoso ua dielela o muẋima uê-muène, kiôua; muthu uoso-phe uenda ni masunga, ka sukamena.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 1:6

Tundé ku makànda a inama katé ku mútue ki kuala kima kia disanze; kuala ngó jifidila, ni ijimbu, ni ilonda ia sotama, ki iótumbe, ki iókute, mba bhu kala ngó kilonda kimoxi kiózaze tumaji.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Jelemiia 16:12

Enu-phe mua beta ku zanga, o jitata jenu ndenge; mbata, talesa hanji muthu ni muthu mudienu kia kuata ku kaiela kia mu tumu o muẋima uê ua kubhukumuka, mbé o kufula ku ngi bhana eme o mátui.

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

Marku 2:17

Jezú kia zubha ku kʼivua, uixi: Athu a disanze ki ene a bhindamena o kimbanda; kikale o jihaxi. Athu ue aiuka, ki ene u ngeza mu ku a exana kudiela, maji akua ituxi.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Jihebeleu 3:12

Enu phange jami, alukenu, sumba mudienu mu kala muthu ni muẋima uaiibha ua kuxibhaka, u mu bhangesa kuxia Nzambi ia muenhu, nʼ a baluke.