Jelemiia 17:4 - O Mikanda Ikola

⁴ Eʼ muenhé-phe ua di bhange-kiu, eie ua-nda ku di kakula ubhinganu ué, u nga ku bhele, anga ngi ku bhangesa ku bhikila o jinguma jé, mu ixi kua ijiia; kuma o túbhia tu ua bambula ku njinda iami tuà uamena-ku muene katé ku hádia ni hádia.

Jelemiia 17:4 ပူးပေါင်းရင်းမြစ်များ

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Jisobha 25:21

Anga sobha ia Babilónia u a kuamena bhu Dibaia bhenhobho hé u a jibhila mu ixi ia Hamate; Juda hé a mu katula mu ixi iê anga a mu bheka kuengi mu ubhika.

Nehemiia 9:28

Ela-phe, a nhoha-ku, a tonʼâ dingi o kubhanga kiaiibha bhu pholo ié; eie anga u a ehelela dingi bhu maku ma jinguma jâ, nda a a bhikise; ene-phe ki a diela, ni kudikola ko kué, eie u a evua tunde ku diulu, o mukonda dia henda ié, luavulu muene lu ua a kudila.

Izaía 14:3

Anga kia kà bhita-phe kuila, kizuua kia kèza Nzambi ku ku zumbula ku midimu ié, ni ku ku-ila ximbakata, anga u ku sukununa ubhika ua kabhikolo u a ku talesa na-u o hadi.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 12:7

Onzo iami nga i ehelela, undundu uami nga u ẋimbuka: kazola ka muenhu uami nga mu bhakula bhu lukuaku lua jinguma jê.

Jelemiia 15:14

Anga ngi ku ambata ni jinguma jé, muie ku ixi ki muejiia-ku; mbata njinda iami ia uama, túbhia mukuá, enu-enu-phe ia-nda ku mi uamena.

Jelemiia 16:13

Kala kiki-phe, nga-nda ku mi kaia moxʼumu, muia ku ixi ki mua ijiia nʼenu ni jitata jenu; o kuenhoko kuene ku mua kà bhikila o jinzambi jengi mu muanha ni mu usuku; kuma o koko ki nga-nda ku mi kuatela dingi henda.

Jelemiia 18:23

Maji eie-phe, Jihova, tata, uejiia kikutu kiâ kioso kia ngi te phala ku ngi jibha; kikuma kiâ ku ki loloke, o kituxi kiâ ki xale muene bhu pholo ié, ku ki jimune, maji a di bhukane muene bhu pholo ié; u a bhanga kienhiki bhu thembu ia njinda ié.

Jelemiia 2:14

Manhi Izalaiele mubhika? inga mamvala? a mu kutila-hi-phe kiki?

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 22:28

Kifua Jekoniia iú muthu ua di bhange kitutu kia ufusa kia budika? inga kitutu kia ibhila athuʼoso? a a texila-he-phe kiki, ni muene ni muiji uê, ia a a tande ku ixi ene ka ijiia?

Jelemiia 5:19

Anga ki bhita kuila, kioso enu ki muila: Jihova Nzambi ietu ua tu bhangela-hi ima ioso iii? Eie-phe ua ambela: Kuma enu mua ngi xisa, enu mua bhikila jinzambi jengi mʼoxi ienu, kiene-phe ue ki mua-nda kubhikila jingana jengi, moxi ia athu engi.

Jelemiia 5:29

Manhi ima iii ngeji ku i talela ngó, se ku i bhesa kaxtiku, Jihova ua ki tange; mbé o muenhu uami u kamba kuvutula phonzo muiji kala iú?

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Kuditenda 5:2

Undundu ua muiji uetu uai ku athu engi; jinzo jetu akua makanga a ji tambula.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Izekiiele 7:24

Anga ngʼixana athu a beta kota mu kuiibha, ene mu kaxi ka miiji ku mundu, ene a kà tunga mu jinzu jâ; anga ngi buisa-ku o kuzangalala kua mazonda, o ididi iâ ikôla ia kà sebuluka.

Matendelelu 28:25

Jihova u ku toluela muene bhu pholo ia ʼnguma jé; mu ku tundila o jinguma jé phala kutakana-na-ju, uila u a kaia mu njila imoxi, eie-phe ua kà lenga lusambuadi bhu pholo iâ, a kà ku lebhula mu jixi joso mu ngongo.