Jelemiia 16:4 - O Mikanda Ikola

⁴ Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 16:4 ပူးပေါင်းရင်းမြစ်များ

II Jisobha 9:10

O jimbua jene ja-nda kua ka-dia Jezabele bhu ka kithungu ka mukáu ua Jizeleiele; ki kuà kala uoso u mu funda. Kia zubha o ku tanga kiki, u jikula o dibhitu anga u lenga.

Jisálamu 78:64

Jinganga jâ a a buidisa ku xibhata, atudi â né ngó kudila jingololo ka tena.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Izaía 18:6

Jene a kà ji bunda bhuamoxi anga a ji buangidika phala jinjila ku mulundu, phala iama ku mukáu; o jinjila ji zokonona ja kà bhitila o ithangana ia thembu ia mvula kulu diâ; iama ioso ia mukáu i bhitila o ithangana ia mbambi ku thandu diâ.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 21:6

Akua bhata mu mbongeʼumu anga ngʼa kuama, ni athu ni ibhaku, ene a-nda kufua ku dibhebhu dionéne.

Jelemiia 25:33

Oso a kà a bhakula ku kalunga kuala Jihova kizuuʼokio, a kà dizala muene tundé kuʼandekela ixi katé ku ia suku; ka-nda ku a tela nzôngo ia kudila, mba ku a bhongolola, mba ku a funda; maji a kà di bhanga kala ditobe ku thanduʼa mavu mu ngongo.

Jelemiia 34:17

Uila kiki, Jihova uambe, uixi: Enu nguenu ku ngʼivua eme, phala kukola ufolo, muthu u kolela kua phangʼiê, muthu u kolela kua mukuá; kiki-phe, talenu, eme nga-nda ku mi kolela ufolo, Jihova ua kiambe, muia ku xibhata, muia ku dibhebhu, muia ku nzala, anga nga-nda ku mi bhana kala kima ki sasumukisa mautuminu moso mu ngongo.

Jelemiia 34:20

ngi ki tanga muene, kuila nga-nda ku a bhakula bhu maku ma jinguma, ni bhu maku ma iá a mu a sotela kalunga kâ, o imbi iâ ia kà kituka kúdia kua njila ja diulu ni iama ia mukáu.

Jelemiia 36:30

Kala kiki, Jihova uambe kiki kua Jehoiakí, sobha ia Juda: Jehoiakí ka kà kala ni iú u xikama bhu kiandu kia Davidi, o kimbi kiê a kà ki takuila bhu muanha ua dikumbi ni ku mbambi ia kiaúla kia usuku.

Jelemiia 44:12

Nga-nda ku katula o masubhu, a subhuka kua Juda, a te pholo iâ mu kubokona mʼoxi ia Ijitu phala kunhunganena momo, anga a buikila eneʼoso mʼoxi ia Ijitu; a kà di bhala ku xibhata, a kà fua ku nzala; a kà jikinina muene tundé ku mona-ndenge tulé ku muadiakime; ni ku xibhata ni ku nzala kuene kua kà fuila; a kà kituka mbolèle, a ka di bhanga kisunji, ni mázui ni lusebu.

Jelemiia 44:27

Kiki-phe nga-nda ku a langidila, ki phala mbote, maji phala kuiibha; athu oso mua Juda, ala mʼoxi ia Ijitu, a-nda kujikinina ku xibhata ni ku nzala, katé kiʼábhua-mu ene oso.

Jelemiia 7:33

O imbi ia mundu iú ia kà di bhanga huta ia jinjila ja bhulu ni ia iama ia mukáu; u ji kaiesa ka moneka.

Jelemiia 9:22

Zuela: Eme Jihova uambe kiki: Katé ni imbi ia athu, ia-nda kutakujuka kala ditobe mu mukáu ua dianeka, mukuá ni phunga ia kidima ia xala mua bhiti o mubhongolodi, o u i bhongolola ka moneka.

Kuditenda 4:9

Afu ku xibhata a beta ujitu, dikue ió afu ku nzala, tata! Mbata iá a fu ku nzala, a tuama o kuhoha ni ku di xibha kala a a kubula, mukonda dia kukamba o ima ia kúdia i tunda ku mábhia.

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Sofoniia 1:17

Athu nga kà a tatesa anga mu kuenda kuâ a biluka kala ifuófuo, mukonda a te ituxi kua Jihova; o manhinga mâ ma kà di muangena bhoxi kala fufuta, o mikutu iâ ia kà kituka mukuâ ni ditobe.

Matendelelu 28:22

Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.

Matendelelu 28:26

Bhuoso bhu ua kà fuila o kimbi kié kikale kúdia kua jinjila ja diulu ni iama ia mukáu mungongo, ki bhua kàla muthu u ji sasumuisa.