Jelemiia 16:2 - O Mikanda Ikola

² Eie kana ku sakana muhatu, né ana a mala mba anʼa ahatu, ku a vualela bhu kididi kiki.

Jelemiia 16:2 ပူးပေါင်းရင်းမြစ်များ

Dimatekenu 19:14

Lote-phe anga u tunda, u zuelesa jiholome jê, eji kusakana ni anʼê a ahatu, uixi: Balumukenu! mu tunde bhu kididi kienhiki; kuma Jihova ua-nda ku ki buikisa. Jiholome jê-phe a mu kiti kiôua kiala mu sabhula, kifua ualu ta kasekelu kê.

Jelemiia 16:1

O kizuelu kia Jihova anga ki ngi sanga, kixi:

Jelemiia 16:3

Mbata Jihova uambe kiki: Ku mbandu ia ana a mala ni anʼa ahatu oso a-nda ku a vualela bhu kididi kiki, ni ku mbandu ia jimama jâ a a bhanduluka, ni jitata jâ ja a vuala mu ixi iii.

Jelemiia 29:6

Sakanenu ahatu mu vuale anʼa mala ni anʼa ahatu; bhengenu ahatu phala anʼenu a mala, o anʼenu a ahatu bhanenu-u ku maiala mbé a vuale anʼa mala ni anʼa ahatu; kuene ku mualʼoko, di sokolodienu, ki muʼie ni kutunuka.

Kuditenda 2:22

Eie ua bhiti ku mbandu joso ni ku kolomona ima ioso i ngi kuatesa uoma, kala bhu kizuua kiene kubhongolola mundu ku fesa. Mu kienhiki, bhu kizuua kia bhixila o njinda ia Jihova, né ngó muthu ka bhuluka-bhu, mba usubhuka, lémbue. Athu oso u nga sase, eme nga a dikila, nguma iami-phe ua a jimisa o mbutu.

Matesu 24:19

Lamba dia ahatu ió oso a kà kala ni mavumu, a ka kala mu kuamuisa, mu izuua ienhoio!

Luka 21:23

Lamba dia ahatu oso emita, mba amuisa tuana tua uisu, mu izuua ioio! Mukonda kua-ndu kala kutata kuavulu mʼoxi ioso, ni njinda ia Nzambi ku thandu dia mundu iú.

Luka 23:29

Kuma kù kuiza izuua, anda kuila: Azediua ahatu a jimbaku, ni mavumu ma kambe kuimita, ni mele ma kambe kuamuisa!