Jelemiia 15:9 - O Mikanda Ikola

⁹ Kivuadi ua vualele sambuadi, ua zondo; muenhu uê ua mu-bhu; kumbi diê dia mu fuila kiá, sumbala mu muanha hanji; muene ua tandanganha, sonhi ja mu kuata; oso anê a mu subhuka-bhu, nga-nda ku a bhakula ku xibhata, bhu pholo ia jinguma jâ, Jihova ua ki tange.

Jelemiia 15:9 ပူးပေါင်းရင်းမြစ်များ

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 21:7

O ki ki zubha kubhita, eme Jihova, ngiia Zedekiia, sobha ia Juda, ni jiselevende jê, ni mundu, oso a subhuka mu mbongeʼumu ku dibhebhu, ni ku xibhata ni ku nzala, nga a bhakula bhu lukuaku lua Nabukodonozolo, sobha ia Babilonha ni bhu lukuaku lua jinguma jâ, ni bhu lukuaku lua ió oso a mu sota o muenhu uâ; muene ua-nda ku a leleka ku mazu a xibhata; ka-nda ku a fikixila, né ngó ku a lendukila, mba kuila u a kuatela henda.

Jelemiia 44:27

Kiki-phe nga-nda ku a langidila, ki phala mbote, maji phala kuiibha; athu oso mua Juda, ala mʼoxi ia Ijitu, a-nda kujikinina ku xibhata ni ku nzala, katé kiʼábhua-mu ene oso.

Jelemiia 50:12

Kizuua mamʼenu ua-nda kutandanganha kiavulu! Ió ua mi vuala, hádia sonhi ji mu kuata! Tala, ua-ndu kala uene kiá o muiji ua suku kuema dia akuâ, u di bhanga kikangalakata, ixi ia kukuta, ia biluka ngùndu, muda huhúm!

Jelemiia 6:4

Mu kasedienu ita i mu buikise; balumukenu, tu bande mu kumbi dia mediia; kokolo dietuʼé! kumbi di diia kiá; o ilembeketa ia ngoloxi ilebhela kiá o kuiê.

Jelemiia 7:19

Jihova phe uambe uixi: Mbé eme a ngi lokalala o njinda kiokio, ki ene muene a di bhange-kiu phala o jisonhi ja pholo jâ?

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Kuditenda 4:10

Maku ma ahatu, a zola Nzambi, ene muene a lambe o tuana tuâ-ene! O xitu iâ iene o huta ia kúdia kuâ, bhu thembu iabhiẋila o kusenguluka kua monʼa kilumba kia mundu uami, enu mala!

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Izekiiele 5:13

O njinda iami hé i di kumbidila momuʼé kienhiki, o kuthathamana kuami anga ngi ku zubha kienhiki o vondadi, ku muẋima ni ku ngi zele; nda a kʼijiie kuila eme ngi Ngana nga ki zuela mu muanu uami, kioso ki a-nda kumona o njinda iami ia di kumbidila momuʼâ.

I Samuuele 2:5

Oso ekutile lelu ʼidi aii ku di umba mu sota kia kúdia, a kexile ni nzala a nhoha-ku kuma ekuta. Katé ni kisula uavuala sambuadi dia mona, o kivadi kia ana avulu leluʼidi ua zoza,