Jelemiia 15:3 - O Mikanda Ikola

³ Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 15:3 ပူးပေါင်းရင်းမြစ်များ

Jisálamu 68:23

Phala u bonde o kinama kié mu manhinga ma jinguma jé; mbé o dimi dia jímbua jé di lese ue o manhinga mâ, ni di tambule ku jinguma o mbandu iê ioso ia mu tokala.

Izaía 18:6

Jene a kà ji bunda bhuamoxi anga a ji buangidika phala jinjila ku mulundu, phala iama ku mukáu; o jinjila ji zokonona ja kà bhitila o ithangana ia thembu ia mvula kulu diâ; iama ioso ia mukáu i bhitila o ithangana ia mbambi ku thandu diâ.

Jelemiia 12:9

Undundu uami ua di fu ni njila ia vulu mabaka; jinjila ja mu kondo mbandu ni mbandu: enu mu iama-phe, ia mukáu, izenu, diphophienu, zenu mu sana-sane.

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 14:16

O mundu ua mu zambuila ene, a-nda ku a takuila mu jinzunga ja Jeluzaleme, mukonda dia nzala, ni dia xibhata; ki bhua-nda kumoneka muthu u tena kufunda akajiʼâ, ni anʼâ a mala ni a ahatu; ikuma iâ hinu nga a lunduluila-iu kienhiki ku thandu diâ.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 7:33

O imbi ia mundu iú ia kà di bhanga huta ia jinjila ja bhulu ni ia iama ia mukáu; u ji kaiesa ka moneka.

Kuditenda 3:11

Ua ngi tungamesa mu jinjila jami, o ki nga ila muengi, kuene kua ngi sasujuila ku idiandu; ua ngi xi nga senguluka.

Izekiiele 14:21

Mukonda Jihova uambe kiki: Kuambe dingi se Jeluzaleme eme ngi mu tumikisa o afundixʼami aiibha ió kiuana, o xibhata ni nzala, ni iami i kuama, ni dibhebhu, phala kuvuza-mu o athu ni iama!

Izekiiele 33:27

Eie-phe ua kà a tangela kiki, uixi: O Jihova Nzambi uambe kiki: Lémbua! Nga di lokela muene kala Eme ki ngala kulaia, kuma oso a kà kala mu ididi ia kukuta a kà di bhala ku xibhata, o uoso u kala mu mukáu nga kà mu bhakula j ku kiama ni ki mu di, o oso ala mu ididi ia kondama ni mu mabànda, a kà fua ku dibhebhu.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.

Matendelelu 28:26

Bhuoso bhu ua kà fuila o kimbi kié kikale kúdia kua jinjila ja diulu ni iama ia mukáu mungongo, ki bhua kàla muthu u ji sasumuisa.

Matendelelu 32:24

A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.