Jelemiia 15:2 - O Mikanda Ikola

² Kienhokio-phe, ene kioso kia kuambela kuila: Tu di tela phe kuebhi? Eie u a tangela: Jihova uambe kiki: a tokala kufua, afue; o a tokala ku bhita ku xibhata, ku xibhata; a tokala ku nzala, ku nzala; a tokala kuia ku ubhika, ku ubhika.

Jelemiia 15:2 ပူးပေါင်းရင်းမြစ်များ

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 14:16

O mundu ua mu zambuila ene, a-nda ku a takuila mu jinzunga ja Jeluzaleme, mukonda dia nzala, ni dia xibhata; ki bhua-nda kumoneka muthu u tena kufunda akajiʼâ, ni anʼâ a mala ni a ahatu; ikuma iâ hinu nga a lunduluila-iu kienhiki ku thandu diâ.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 43:11

Hé ua kʼèza anga ua kà kuama o ixi ioso ia Ijitu: O uoso a muʼambe ku kalunga, ku kalunga; a muʼambe ku ubhika, ku ubhika; a muʼambe ku xibhata, ku xibhata;

Izekiiele 12:11

Amba-kiu, kuma: Nga di-bhange ngi kijimbuete kienu ki di uanesa; kuma kala ki nga bhange emʼiki, ene uâ kiene kia-nda ku a bhanga, a-nda kuia ku ixi iengi ku ubhika.

Izekiiele 14:21

Mukonda Jihova uambe kiki: Kuambe dingi se Jeluzaleme eme ngi mu tumikisa o afundixʼami aiibha ió kiuana, o xibhata ni nzala, ni iami i kuama, ni dibhebhu, phala kuvuza-mu o athu ni iama!

Izekiiele 33:27

Eie-phe ua kà a tangela kiki, uixi: O Jihova Nzambi uambe kiki: Lémbua! Nga di lokela muene kala Eme ki ngala kulaia, kuma oso a kà kala mu ididi ia kukuta a kà di bhala ku xibhata, o uoso u kala mu mukáu nga kà mu bhakula j ku kiama ni ki mu di, o oso ala mu ididi ia kondama ni mu mabànda, a kà fua ku dibhebhu.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Izekiiele 5:2

Mbandu ia katatu, kioso ki ua-nda kuila o izuua ia mukondo ua Jeluzaleme ia zubha kiá o kutenena, u i oha mu túbhia mu kaxi ka mbonge muene; anga u zangula dingi o mbandu ia mukuá hé u kondoloka na-iu o mbonge nʼu i kuama ni xibhata; o mbandu ia mukuá ua kà i muangena ku kitembue; mbata o xibhata iami ia kutalesa hadi nga-nda ku i fomona mu kizu ni ii ni ku a kaiela.

Daniiele 9:12

Muene iu ua kumbidila o kizuelu kiê kia tu kanena na-kiu etu, kumoxi ni afundixi etu, a tu tetuluila jinga o milonga, iu ua bheka o jingongo ja vula kiki ku thandu dietu, ja bhingi kuila o kiki kia bhiti mu Jeluzaleme nuka kiʼa bhitile kuoso-kuoso bhoxi dia diuluʼabha.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.

Zakadiia 11:9

Anga ngiia ngixi: Eme ki nga-nda ku mi inga dingi; uoso u fua a fue, uoso a mu sendumuna a sendumuke; o joso ja subhuka-ku, kala mbudi i die xitu ia mukuá.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.