Jelemiia 14:3 - O Mikanda Ikola

³ Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Jelemiia 14:3 ပူးပေါင်းရင်းမြစ်များ

II Samuuele 15:30

Davidi anga u kala mu banda ku disámbua diodio dia honga ia Kidolone mu mbanjidilu ia mulundu ua Midiva; kioso kiala mu banda uala kuenda ni kudila, ua di futu mútue, uala kuenda ni inama ia hatu bhoxi; mundu uoso ala kuendela-nê kumoxi anga a di futa uâ mítue, ala mu kuila ia a banda ia enda ni kudila.

II Samuuele 19:4

Muenexi muene ua di futu o pholo, u dila ni dízui diasuina, uixi: Aiué monʼami Abisalone, Abisalone, tata, monʼamiʼé, monʼamiʼé!

I Jisobha 17:7

Anga ki bhita-phe kuila, ku izuua, kangiji ka uinina, mukonda kienhokio mu ixi ki mua nokene mvula.

II Jisobha 18:31

Ezekiia-phe kana ku mu bhana mátui, kuma o sobha ia Asídia uambe kiki, uixi: Tenu maka nʼeme, muize kokuami ni mibhaku, nda muthu ni muthu a die ku muvide uê, ni ku mufiku uê, ni kúnua o menha a tunda bhu fixi iêmuène-muene.

Estere 6:12

Moledekai a mu nhungisa kienhiki anga uiza dingi u tula bhu muelu ua Sobha. Hamane-phe uia ni lusolo ku bhata diê, ua kakuka, ua di futu mútue—

Jobe 6:20

O kudielela kuâ, ku a kuatesa jisonhi; mu ku bhiẋila bhobho, u sanga a tandanganha.

Jisálamu 109:29

Ene oso a ngi balukilʼó, a zuate kujingunuka, jisonhi jâ ji a vungine kala dibeka dia di futu.

Jisálamu 40:14

Enhó a kakuke, a diuane, sonhi ja a kuate muene, oso a bhindamena ku ngi seia o muenhu uami ni ku ngi jibha; a bhese lusolo Ngana, a kuatese jisonhi, oso a-lu sota ku ngi bhanga phulu.

Jelemiia 14:4

Kuma mavu ma jikujuka, mukonda dia kukamba mvula mu ngongo, o idimakaji a kala ni sonhi, hé aia ni kuvunga milele mu mítue.

Jelemiia 15:18

O misusu iami i jijilaʼhi kiki, fidila iami iia ni kutuza, ki i xikina kuiluka? Kifua eie kokuami uila kala ka honga ka makutu ngó, mukua ni menha ma lémbua ku kunguluka?

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 2:37

Ni kua muenhó hinu eie u tunda-ku ni maku mu mútue; kuma o idielelu ié Jihova ua i tende, kua-nda kuzediua na-iu.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Kuditenda 4:4

O dimi dia mona bhu maku, dia kokotela mu kanu mbebhu o dinhota; Tumbonga kia bhinga o kúdia, ki bhuala u a bhana-ku.

Hozeia 2:3

Mbé eme ki ngi-ze ku mu zula, ni ngi mu tadike kala bhu kizuua kia mu vualele, hé ngi mu bhanga kala kikangalakata, ngi mu kitulula kala oxi ia kukuta, anga ngi mu fuisa ni dinhota.

Jouele 1:20

Iama ioso ue mu mikáu i dikola kokué, kuma jingiji ja kukuta; o túbhia tua zubha o sabhelela ioso mu ixi ia kisekele.

Amoji 4:7

Ku thandu dia kiókio, mvula nga mi katula na-iu ki kua kambe ngó mbeji jitatu phala ku muna idima; nga nokesa mvula mu sanzala iii maji mu sanzala ja mukuá, lémbue! Ngedi díbhia didi dia nokena, o díbhia dia mukuá ki di nokena, idima ia kukuta!

Amoji 4:8

Ngendesa sanzala jiiadi mba jitatu ni kunhungina sanzala ia mukuá mbé kúnua menha, maji dinhota kúfua lémbua. Né kieneʼokio, ku biluluka kokuami mua lémbua, Jihova ua ki zuela.

Zakadiia 14:17

Se mu jifamília ja athu mu ngongo mu kala imoxi i kamba kubanda mu Jeluzaleme, mu kubheza Jihova dia Ifuẋi, o sobha, ku thandu diê ki kua kèza mvula.