Jelemiia 14:2 - O Mikanda Ikola

² Juda iú dila, o mabhitu mê ma zoza: ene a zakela ndombe katé bhoxi, nzongo-phe ia Jeluzaleme ii banda.

Jelemiia 14:2 ပူးပေါင်းရင်းမြစ်များ

Jobe 34:28

Mu kubhanga kiki, a bhangesa o kudikola kua ngadiama kubanda katé kua Nzambi, muene iú uevu o kuditenda kua phulungu.

Jisálamu 144:14

Jingombe jetu ji kale ni nguzu ia kukalakala, ki bhu kale dingi o kimbaka ku ki bula, ki bhu kale kusalumuka bhu bhata, ni ma-kutunda-tunda, ki bhu kale dingi o kudikola-kola mu nzunga jetu.

Makatukilu 2:24

Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo.

Izaía 15:5

Muẋima uami u ta jingololo mbé Mouabhe; ilamba ié ia lengela ku Zouale, mukuâ ni seseme ia ngombe ia mivu itatu; kuma ia aia ni kubandela ku Luhite ni kudila, mbata mu njila, mu njila ia Holonaime, akuata-mu mukumbi ua kikote, ala ku dikola mukonda dia kibuika.

Izaía 24:11

Hanji kiabhu o vinhu, tuala kuívua mutendu uaʼlamba mu jinzunga; o kutana kuoso kua himbi, o ngalasa moxi iòsondolole-mu.

Izaía 24:4

Oxi ia-nda kuta jingololo, anga i xoueta; ngongo isekala, hé i xoueta; ilamba ioso iònene mu ixi, ia kà iokojoka.

Izaía 24:7

Maluvu ia dila, muvide iù lela; oso a tanene miẋima, kiki ia a di tula mienhu.

Izaía 3:26

Ziione mielu ié ia kà kema, ia kà ta jingololo; o muene, ua kà xikama bhoxi mu mavu ni ku di kota.

Izaía 33:9

Oxi ikema, ia zoza, i i ta ngololo; Libano u kala ni sonhi, hé uia ni kuxoueta; Salone ua biluka kikangalakata; Baxane ni Kalamelu mafe mâ ma lalumuka.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Jelemiia 11:11

Uila kiki Jihova uambe, uixi: talesa, nga-nda ku a bhekela divuua ku thandu diâ, o dienhidi ka-nda kutena ku di bhulaka, a-nda ku dikola kokuami, eme-phe ki nga-nda kua evua.

Jelemiia 12:11

A di bhange ngundu muene, o mu ku di suuata kuê di di kola kokuʼami; oxi ioso a i sengulula, mukonda ki muala muthu ua ki kexila ku pholo ni ku ki ta muene ku muẋima.

Jelemiia 12:4

Enu mala! mbambe bhebhi oxi i kuata ku dila kiki, o iangu ioso ku mukáu hé i kuata kuelela kiná? mukonda dia usuéia ua iá a tungu-mu ni iama ni jinjila ji kuata ku buika; mbata ene exi: Muene disukilu dietu ka-nda ku di mona.

Jelemiia 18:22

Kioso eie ki ua-nda ku a tukumuisa ni kibuka kia masoladi, uívua nzongo ia kudikola i tunda mu jinzu jâ! Mbata a kande diela phala ku ngi kuata, o inama iami a i tela mabhebhe mu njila.

Jelemiia 4:28

O kiki kia-nda ku didisa oxi, o madiulu bhulu a-nda kuvunda; kuma kiene ki nga zuela, kiene ki nga kane, ki nga tolola dingi o thulu (kudiela), ki nga-nda ku ki lungulula dingi.

Jelemiia 46:12

Miji ioso dilebhu dié evu ku di zuela, o ngongo iezala ni mikole-kole ia kudikola kué; mukonda dizonda ua di bhukana ku dizonda, kiiadi kiâ ia a dibhalela kumoxi.

Jelemiia 8:21

Nga budijika muene mukonda dia kitalakanha kia kilumba kia mundu uami: nga mu kuenda ni ndômbe; kua ngiza kubhuuama.

Kuditenda 2:8

Jihova ua kanene kusengulula o kimbaka kia monʼa kilumba kia Ziione; uatandeleka ngoji, lukuaku luê lua jijila muene o kusengulula; ni kimbaka ni lumbu ua a tungutisa, ia a sekalela bhuamoxi.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Kuditenda 5:10

Kikonda kia tu hîmbi-ni-kiene kala forno, mukonda dia hadi ia nzala.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Jouele 1:10

Mikáu iòsengulule, oxi ia di suuata; kuma tiliku ia buika, mivide ia kukuta, o maji a kambe.

Jouele 1:11

Ni idimakaji sonhi ja a kuata, akua mivide a di kumuna, kingumba tiliku ni sevada; mbata ima ioso ia kingile ku muna mu mábhia, ia di boto.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Jouele 2:6

Bhu pholo iâ, ifuẋi ioso ia kà kala ni uôma; pholo joso ja kà kituluka kala njilu ia ímbia.

Ajeu 1:11

Eme nga bheka hâmba ku thandu a ixi, ni ku milundu, ni ku tiliku ni ku vinhu ia ubhe, ni ku maji, ni ku idima ioso ima ku mavu, ni ku thandu dia athu, ni ku thandu dia iama, ni ku thandu dia ikalakalu ioso ibhanga athu ni maku mâ.

Zakadiia 7:13

Ki kiedi kuma eme ki nga a kolela, ene ka ngʼivu; ene uâ hádia a kà dikola kokuami, eme ue ngi kamba kua evua; kiene kia tange Jihova dia Ilombo Ieta.

I Samuuele 5:12

Oso a kambe kúfua, a tunda mabhumbu aiibha mu mukutu; anga a bhondalala kinéne, o ngololo iâ anga i banda katé ku diulu.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.