Jelemiia 11:7 - O Mikanda Ikola

⁷ Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Jelemiia 11:7 ပူးပေါင်းရင်းမြစ်များ

II Jisobha 17:13

O Jihova iú ua bazela jinga Izalaiele ni Juda ku ukunji ua misesedi iê, ni ku mizambuidi ioso, uixi: Ku jinjila jenu ja ibha tundenu-ku, muende ni kubhaka o ijila iami ni jingonge jami, kala kiambe o kitumu kioso ki nga tendelela ku jitata jenu, eme ue ngi mi tumikisa na-kiu ku ukunji ua abhikʼami, o misesedi.

II Malunda 36:15

Anga Jihova, Nzambi ia jitata jâ u a tumikisa o kizuelu kiê ku jiphunga jê. U di meneka muene mu ku a tumikisa na-kiu. Mbata jihenda ja mu kuata ja mundu uê ni ja dibhata diê.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 25:3

Tundé mu muvu ua katatu ua Joziia, monʼa Amone, sobha ia Juda katé mu kizuuʼiki kizuelu kia Jihova kieza kokuami, nga di meneka ni kuzuela eme nga mi tangela-kiu enu, maji enu mua ditunu kuívua.

Jelemiia 25:4

Jihova ue ua mi tumikisa abhikʼé oso, jipolofeta, u di meneka mu ku a tumikisa, (maji enu nguenu kuívua, ni ngó ku bheteka mátui menu phala kuívia).

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 34:14

Kʼibhua sambuadi dia mivu, kala muthu a jitune uoso phangʼiê, hebeleu, a mu sumbisa kokué, iú ua ku bhikila kiá eie mu mivu isamanu, u mu ambudisa ni ufolo kokué; maji phe jitata jenu nguâ ku ngʼivua, mba ku ngi bhetekela mátui.

Jelemiia 35:14

Maka ma Jonadabe, monʼa Lekabe, a tendelela ku anʼê kuila ka nue vinhu, a a bhake, mbata kanu muene katé mu kizuuʼiki, kia a kala kota evu muene o kijila kia tatʼâ; eme-phe ngène mu mi zuelela enu, ngi di meneka mu ku mi zuelela, enu nguenu ku ngʼivua.

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Jelemiia 7:13

Kindala-phe, kuma enu ima ioso iii, iene i mua mu bhanga, eme Jihova, o ki nga zuela, nga mi tela maka, enu o kuivua nguenu, o ki nga mʼixana, nguenu kuitaia.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Efezo 4:17

Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 8:6

Kala kiki, mu kuata ijiia ia Jihova Nzambi ienu, muenda jinga njila iê, mu kala ni uoma uê.

II Tesalonika 3:12

Kienhiki, oso akua kubhanga kiki, tua a tumu, etu tua jijila ku a ambela kuma, a kalakale ni kubatâma, a die kudia mu konda ia ene.

I Samuuele 8:9

Kiki-phe a evue dizui diâ; maji eie-phe ua a ambela kidi kioso, u a lomboluela ni muanu kioso kia-ndu kala o utuminu ua sobha iâ, uoso anda ku mu hingisa.