Jelemiia 10:9 - O Mikanda Ikola

⁹ A takana phalata iósule ku Talxixi, ni ulu ua Ufaze; iteka ikalakalu ia bhange kuala o hete, ia bhiti bhu maku ma muzunzi, a i idikila izuatu ia azulu ni ia kusuka; iene ioso-phe midimu ia kalakala jinjimu.

Jelemiia 10:9 ပူးပေါင်းရင်းမြစ်များ

I Jisobha 10:22

Mukonda o sobha ue ua kexile ni jinaviio ja Talxixi ku musanza ua kalunga kumoxi ni jinavio ja Hilamu. Ji ja kexi mu vutuka lumoxi ku mivu itatu kutunda ku Talxixi, ni kubheka ulu ni phalata, ni mazu ʼa nzamba, ni jihima ni jipavá.

II Malunda 9:21

Mukonda kiʼaia jinga jinaviiu ja sobha ku Talsu ni jingunza ja Hilamu, eza jinga ni jinaviiu lumoxi ku mivu itatu a bheka ulu ni phalata, ni mazuʼa nzamba, ni jihima, ni jipavá.

Jisálamu 115:4

Iteka ia ene phalata ni ulu, ima ia kalakala athu ku maku.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Izaía 23:6

Bhitenu mu Talxixi; kumbenu, enu muà tunga mu kikôlo.

Izaía 40:19

O hete ia ufunu uzunza kiteka, o udivi anga u ki folala ni ulu, hé u ki zunzila malubhambu a phalata.

Izekiiele 27:12

Talxixi ua-ta jinga uenji nʼeie, mukonda dia kuvula kua ndumba ia jimbongo jé; o bhu itanda ié a tela jinga-bhu uenji ua utadi ua phalata, ni ua felu, ni ua xitanhu ni ximbu.

Izekiiele 27:7

Linhu ia fina ia Ijitu, ia kubolodala, iene ia kexile o jikolotina jé, ni i kale iene o jimvela jé; o thanga ja ikolo ia Uiza, ni jikusuka ni ja azulu, jene ja kexile o divunga dié.

Daniiele 10:5

nga bhetula mesu anga ngi tala, nga mono-phe muthu uazuata kizuatu kia linho, o mu kinhonga ua di kutu phonda ia ulu ua fina ua Ufaze;

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

Habakuke 2:19

Kokolo dia ió uambela o muẋi, uixi: Balumuka! o ditadi dia kambe o dikanu dia kuzuela anga u di ambela, uixi: Phaphumuka! Manhi kiteka ki tena kulonga? Sumbala a ki bhange kiua ni ulu ni phalata, maji moxi diê ki muala nzumbi, lémbua.