Jelemiia 10:3 - O Mikanda Ikola

³ Mbata o ífua ia mundu kingoho: ene a batula muẋi mu tutu, kikalakalu kia maku ma hete, ua u batula ni dikuua.

Jelemiia 10:3 ပူးပေါင်းရင်းမြစ်များ

Jisálamu 115:4

Iteka ia ene phalata ni ulu, ima ia kalakala athu ku maku.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Ijila 18:30

Uila kiki, alukenu ki nga mi tendelelʼiki, mu fule kubhanga o ijiia ia isunji kala ia bhanga jinga ene kioso enu kiluua ngó muiza. Kana-phe ku di kasanesa na-iu; kuma Eme-muène ngi Jihova Nzambi ienu.

Matesu 6:7

Mu kusamba ue kana kubuabuala ngó, uila ki bhanga o matumbu; mbata ene a fika kuma o kuzuela kuâ kuavulu kuene kubhangesa ku a evua.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,