Jelemiia 1:9 - O Mikanda Ikola

⁹ Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Jelemiia 1:9 ပူးပေါင်းရင်းမြစ်များ

Izaía 49:2

Dikanu diami ua di kitula xibhata iatu, ua ngi vungina ni kivule kia lukuaku luê; ua ngi bhange ngi ditoma dia seke kiambote; iu ua ngi sueka mu kizu kiê.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Jelemiia 34:6

Anga Jelemiia, dia polofeta, u tudila Zedekiia, sobha ia Juda, o maka mosoʼama, mu Jeluzaleme.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Jelemiia 5:14

Kala kiki Jihova, o Nzambi ia Ilombo Ieta, uambe kiki: Kala kiki, o ki uazuela maka ió, talesa, maka mami mu kanu dié ngi ma kitula tubhia, o mundu iú ngi u kitula jihuinhi, ene-phe a-nda kubuika.

Izekiiele 3:10

Iú ua ngʼambela dingi, uixi: Eie monʼa muthu, tá mu thulu ié o maka mami oso u nga-nda ku ku tangela, ívua na-u muene ni mátui mé.

Daniiele 10:10

Talesa-phe, bhu kala lukuaku lua ngi tuta, anga lu ngi bhetula, anga ngi kala ku jiphuna ni mâkanda a maku.

Daniiele 10:16

Talesa-phe, kua tukuluka muthu, ua di-fuangana ni anʼathu, iu ua ngi tuta ku mizumbu; dikanu-phe dia ngi jikuka kiua, anga ngi zuela, hé ngʼambela ió ua ngʼimanena ku pholo ngixi: Muadiʼami, tata, kisuma kieniki kia ngi bhekela misusu, ki ngala ni nguzu mu mukutu.

Dialuilu 23:5

Jihova anga u ta kizuelu mu kanu dia Balamu, uixi: Vutuka kua Balake, u zuele kienhiki.

Matesu 10:19

Enu-phe, kuila a mi kutu, ki mu kale ni hele kioso ki mu zuela, mba hundu ioso i mu kuata, mukonda bhu kumbi dienhódio, Nzambi kiene kia kà mi bhana kioso ki mu zuela.

Marku 7:33

Muene anga u mu katula mu kifuẋi, u sondoloka-nê, u mu ta milembu mu matui, u ta mathe, anga ni mathe enhó u mu babata bhu dimi.

Luka 12:12

Mukonda o Nzumbi Ikôla, muène u mi longa kumbi dienhódio, kioso ki mua fuama kuzuela.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Matendelelu 18:16

Kuma kiene-ze ki uabhingile kua Jihova Nzambi ié, bhu mulundu ua Holebe, bhu kizuua kia kuongama, uixi: Ki nga mesena kuivua dingi o dízui dia Jihova Nzambi iami, né-mbe ku di muena dingi o túbhia tuê tu kala kiki, kuma ngavula kúfua.

Matendelelu 18:17

Bhenhobho-phe Jihova u ngʼambela, uixi: O bhobho azuela muene kiambote, mu ioso ia tange.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.