Jelemiia 1:5 - O Mikanda Ikola

⁵ Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Jelemiia 1:5 ပူးပေါင်းရင်းမြစ်များ

Jisálamu 139:15

Ifuba iami eie kua kambele ku i mona, kioso ki ua ngi bhanga ufunu mu kasuekèdia, kioso ki ua ngi Sokejeka kala koxi a mavu ku ngala.

Jisálamu 139:16

Mesu mé ma ngi mono mukutu uami, kioso ngó kiluua u di umba; o idiandu iami ua i soneka mu divulu dié, ni izuua iami i nga kà bhanga, kala kiluua ngó ngi i mateka.

Makatukilu 33:12

Mozé anga u zuela ni Jihova, uixi: Ua mono, Eie ua ngʼambela, uixi: U bheka mundu iú ku ala kuia; maji kua ngi tangela uoso ua-nda ku mu tuma, ngenda-nê kumoxi. Maji Eie ua ngi tangela, kuma: U muthu nga ku ijiia o dijina; uixi dingi: Ua sange ngalasa ku mesu mami.

Makatukilu 33:17

Jihova anga u ambela Mozé, uixi: Ngi ki bhanga muene, kima kienhiki ki ua zuela, kuma eie ua sange muene ngalasa ku mesu mami, u muthu nga ku ijiia dijina.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Jelemiia 1:10

Iala! lelu dienhidi, ngala ku ku imika ku thandu dia akua-jixi, ni ku thandu dia mautuminu, phala u thathumune, u lundumune, u buikise, ni u bhange jingundu; luamukuá ue, phala u tungise u kunise.

Jelemiia 1:4

Kienhiki, kizuelu kia Jihova kia ngi sange, kixi:

Jelemiia 20:15

Muenhó mukua phekalu, o muthu uoso ua tudila tatʼetu o jinjimbu, uexi: A ku vualela mona ua diiala; iú ua mu sangulukisile kiosuʼokio!

Jelemiia 25:13

Izuelu iami ioso i nga tange mu kuzoka nʼoxi iii nga kà i bheka ku thandu dia ixi ienhiʼii muene, ima iosololo iòsoneke mu divulu didi, ia zambula polofeta Jelemiia ku thandu dia miji ioso ienhiʼii.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Jelemiia 50:34

Maji-phe o Mukudi uâ, Kindanda; Jihova dia Uombo Ieta; diene o dijina diê, ni kidi kiene o mvunda iâ ua-nda ku i bhânga, phala ixi nʼa i bhane o kunhoha, ni kuzukutisa iá a tungu mu Babilonha.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 1:41

Bhenhobho Nzebele ki evu umenekenu ua Madiia, monʼê mu mala ua tuka. Nzebele anga uizala ni Nzumbi Ikôla.

Luka 1:76

Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

I Kolindo 8:3

Maji muthu-phe se u zola Nzambi, ió a mu ijiia kuala muène.

Efezo 1:22

O Nzambi ima ioso iú ua i tula bhoxi dia inama ia Kristu, iú ua bhakula Kristu muène ku Ngeleja, kuma muene ua suku-u mu kukala Ngana ia ima ioso.