Jelemiia 1:16 - O Mikanda Ikola

¹⁶ Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 1:16 ပူးပေါင်းရင်းမြစ်များ

II Jisobha 22:17

Mukonda ene a ngi xisa, ia ohela uasu ua dizumba ku jinzambi jengi, mbé o ku ngi lokalala o kutema mu ibhangelu ioso ia maku mâ; o njinda iami ia bambukila kididi kiki, ki ia-nda ku xikina ku jima.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 28:2

Kia mu kexi kota, o kuenda mu jinjila ja jisobha ja Izalaiele, anga u ta-ku dingi o kuiudika iteka ia utadi ua kuzunza kua Bale.

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

II Malunda 7:19

Maji-phe, sʼenu muʼabhuka ni mu ila kuengi, anga mu xa o jingonge jami, ni ijila iami, i nga mi tendelelʼiii, anga muia hé mu bhikila jinzambi jengi anga mu ji tolokela jene,

Izaía 2:8

Oxi iâ ue iezala ni iteka; a fukamena ima ia kalakala o maku mâ; bhu pholo ia kima kieneʼokio kia bhange o milembu iâ-ene.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 44:15

O mixi ienhiʼii, iene o muthu ia uika na-iu o túbhia mʼonzo, mbé o kuota ni kuoha O mbolo: u iudika-ku ue nzambi anga u i diundila, u songesa-ku ue kiteka kia kuseta, hé uenda ni ku ki fukamena.

Izaía 65:3

athu a kuata ku ngi thathamesa kiki bhu pholo iami izuua ioso, a bhela jisata mu mábhia, ohela uasu ua dizumba ku matijolo;

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 10:3

Mbata o ífua ia mundu kingoho: ene a batula muẋi mu tutu, kikalakalu kia maku ma hete, ua u batula ni dikuua.

Jelemiia 11:12

Bhenhobho ni madiembu ma Juda, ni akua bhata mu Jeluzaleme, a kà-ia mu ku di tenda ku jinzambi johela jinga o uasu ua dizumba; jene-phe ki ja-nda kutena, né ngó, o ku a kudila bhu kithangana kia divuua diâ.

Jelemiia 11:17

Mbata Jihova dia Ilombo leta, ua ku phaphe, muene ua ku xindila divuua, mukonda dia usuéia ua bhange o dibhata dia Izalaiele ni ua dibhata dia Juda, dia di bhangela ene, a ngi lokalala o njinda iami, mu kuohela uasu ua dizumba kua Bale.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 18:15

Kienhiki o mundu uami ene ku ngi jimba muene, hé a kuata kuohela uasu ua dizumba ku lusebu; ia a tu bhangesa ku di bhukana mu jinjila jâ ni mu ikoka ia xahulu, phala nʼendele mu ikoka iengi ki iòsengulule;

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 2:17

Mbé o kiki kʼeie muene ua di sotelè-kiu, o kuxa Jihova Nzambi ié, bhu kithangana kia muene ku kuendesa mu njila?

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Jelemiia 4:12

Kitembu kia nguzu ia kibhungu kia-nda ku ngi kana muene: kiki eme ue nga-nda ku tubhula maka ma ku a fundisa milonga.

Jelemiia 4:28

O kiki kia-nda ku didisa oxi, o madiulu bhulu a-nda kuvunda; kuma kiene ki nga zuela, kiene ki nga kane, ki nga tolola dingi o thulu (kudiela), ki nga-nda ku ki lungulula dingi.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Jelemiia 5:29

Manhi ima iii ngeji ku i talela ngó, se ku i bhesa kaxtiku, Jihova ua ki tange; mbé o muenhu uami u kamba kuvutula phonzo muiji kala iú?

Jelemiia 5:9

Manhi ima kala iii ngeji ku i talela ngó, sè ku i bhesa kaxtiku, eme ngi Jihova? inga muenhu uami u kamba kuzoka ni muiji u kala kiki?

Jelemiia 51:17

Bheneʼobho-phe athu a tobha, kuijiia a ku lémbua; akua kusula iteka ia kuseta, ene oso sonhi ja a kuata; mukonda o iteka iâ ia utadi ua kuzunza iala makutu, kuma kana-bhu né kiteka kimoxi ngó kiala ni muenhu moxi diê.

Jelemiia 7:17

Eie kua mono kia kuata ku bhanga mu madiembu ma Juda, ni mu jinzunga ja Jeluzaleme?

Jelemiia 7:18

O ana a ẋanga jihuinhi, o jitata anga ji uika o túbhia, o ahatu-phe a toxa fuba ia tiliku phala kubhanga jimbolo ja kusatela mvuale ia diulu, ni kubhakula mubhaku ua makúnua ku jinzambi jengi, phala ku ngi lokalala o njinda.

Jelemiia 7:9

Enu muila ni kunhana ni kujibha, ni kuta jiphanda, ni ku di lokela mu makutu, ni kuohela Bale uasu ua dizumba, ni ku kaiela jinzambi jengi, ji mua kambe ku jijiia.

Izekiiele 16:18

Eie ua zangula O izuatu ié ia kubordala, iene i ua a vungina jinga na-iu; o maji ami ni ima ia dizumba iene i ua-te bhu pholo iâ.

Izekiiele 24:14

Eme, Jihova, nga ki tange: Kiene muene ki kia-nda kukala; nga-nda ku ki bhanga muene; ki nganda kuvutuka dingi kuema; ki nga-nda kukondeka ue mba ngó nga kà dielesa; kala kia di fu o jinjila jé ni ibhangelu ié, kiene ue kia kà ku fundisa; Jihova Nzambi ua ki tange.

Hozeia 11:2

Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Jipoxolo 7:41

Anga a bhanga kidifua kia monʼ a ngombe mu izuuʼomo, hé a jibha ibhaku mu satela o kiteka. Anga a bhanga fesa mu kubhana ujitu ni mu sangulukila o kimbamba kia kalakala ene ni maku mâ.

Matendelelu 28:20

Jihova ua kà ku tumikisa mázui ni lusébu ni kubhondalala ku ima i u bhanga, o ku ua kà sukʼoko usekumuka muene, anga utukumuka uajimi o mbutu mu kathembu kófele ngó, mukonda ua di bhange phulu mu ku ngi ta dikunda ni ikalakalu ié ia iibha i uala kubhanga.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Josuué 24:20

Mukonda o ki mua-nda kuila muene mua mu xi, mua di te mu bhikila nzambi jengi, ua-nda kulunguluka anga u mi bhanga usuéia, u mi jikinisa, ku thandu dia kuzubha kiá o ku mi bhanga mbote ioso kala iii.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.