Jelemiia 1:10 - O Mikanda Ikola

¹⁰ Iala! lelu dienhidi, ngala ku ku imika ku thandu dia akua-jixi, ni ku thandu dia mautuminu, phala u thathumune, u lundumune, u buikise, ni u bhange jingundu; luamukuá ue, phala u tungise u kunise.

Jelemiia 1:10 ပူးပေါင်းရင်းမြစ်များ

Jelemiia 31:28

Hé kia kà kala phe kiki: Mukua ni ki nga fulu kilu ku thandu diâ, phala kuvuza, phala kubula, ni kuvutula kuema, phala kumuanga, phala kutatesa, kiene ue ki nga-nda kufula o kilu ku thandu diâ, phala kutunga ni ku kuna, Jihova ua ki tange.

Izekiiele 36:36

Kuabhu-phe. Kienhókio o miji ia subhuka-ku mu jimbandu jenu, a kà kʼijiia kuila eme, ngi Jihova, ngene mu kutunga dingi lua mukuá o mabhata a budijika, ni ku kuna dingi kioso kiʼòsengulule; eme-muène ngi Jihova-nga ki tange, nga-nda ku ki bhanga muene.

Jelemiia 24:6

Nga-nda ku ta mesu mami ku thandu diâ, phala mbote iâ, anga hadia ngʼa vutula dingi mu ixi mumu, hé ngʼa tungisa ki nga kà a muanga dingi; ngʼa kà a kuna ki nganda ku a vuza.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Amoji 3:7

Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Izekiiele 32:18

ʼE monʼa diiala, o mundu ua Ijitu tela-u jingololo, u u bhangese o kutuluka, ni uene ni anʼa ilumba ia akua jixi ja makembu, aie mu ixi iala bhoxi kinéne, kua ió ene mu kutuluka mu kina.

Izekiiele 43:3

O kidifua kia kisunji ki nga mono, kiedi kala o kisunji ki nga muene kioso ki ngʼeza mu kusengulula o mbonge; anga o isukila iê i di fuangana kala i nga muene bhu mbanduʼa ngiji ia Kebale; hé ngi di ṗhudikila o pholo bhoxi.

I Jisobha 19:17

Anga kia kà kala-phe kuma, uoso u subhuka ku xibhata ia Hazaiele, a kà mu jibha kuala Jehu; o uoso u lenga ku xibhata ia Jehu, a kà mu jibha kuala Ilizeu.

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Jelemiia 25:13

Izuelu iami ioso i nga tange mu kuzoka nʼoxi iii nga kà i bheka ku thandu dia ixi ienhiʼii muene, ima iosololo iòsoneke mu divulu didi, ia zambula polofeta Jelemiia ku thandu dia miji ioso ienhiʼii.

Jelemiia 31:40

Dikolo dioso dia imbi ni uthôka, mikáu ioso katé ku honga ia Sedolone, katé bhu thungi ia dibhitu dia Jikabalu, kua lungila ku thunda, ioso a kà i lumbila Jihova; ka kà i vuza dingi, ka kà i bula dingi katé ku hádia ni hádia.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Jelemiia 44:27

Kiki-phe nga-nda ku a langidila, ki phala mbote, maji phala kuiibha; athu oso mua Juda, ala mʼoxi ia Ijitu, a-nda kujikinina ku xibhata ni ku nzala, katé kiʼábhua-mu ene oso.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Izekiiele 21:19

Eie-phe monʼa muthu, tá njila jiiadi mua-nda kuijiia o xibhata ia sobha ia Babilonha; jene kiiadi kiâ ja-nda kutunda ixi iâ imoxi; eie hé u sola kididi, o bhu thala ia njila ia mbonge bhene bhu u ki solela.

Izekiiele 23:36

O Jihova anga u ngambela, uixi: Eie monʼa diiala ua-nda kufundisa muene Ohola ni Oholiba? A londekese-phe o maufusa mâ.

Hozeia 6:5

Kiene-phe ki nga a tozela ni nguzu iavulu mu kanu dia jipolofeta, eme nga a jibha muene ni hundu ia tundu mu kanu diami; o mabatuilu mami kokué, a-nda kutunda muene mukuâ ni mukengeji.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.