I Timote 6:6 - O Mikanda Ikola

⁶ Kuma kia kidi kiene, o kuxila Nzambi-phe ni kutululuka kuê, nganhu muene ia dikota, kabasa muthu ua tena kusanguluka ni kioso kiala na-kiu.

I Timote 6:6 ပူးပေါင်းရင်းမြစ်များ

II Jisobha 6:2

Tua-nda kuia-phe katé bhu honga ia Njolodá ni tuiza-ku ni másoko a thungu, kala muthu mu dietu uiza-ku ni dísoko dimoxi, phala ni tu tungu o kididi ki tu tena o kukala. Kuala muene, uixi: Ndenu.

Jisálamu 37:16

Kota kiatolo kiala na-kiu o muthu uaiuka; ku indi jimbongo javulu ja akua phulu a ndumba.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Makatukilu 2:21

Mozé anga ki mu uabhela kutunga ni muadiakimi ió; muene anga u mu bhana monʼê ua muhatu Zipola kusakana-nê.

Jisabhu 15:16

Kota kukala ni kiatolo, hé u kala ni uoma ua Jihova bhuamoxi; dikué nzungule ia umvuama, i kenanesa muẋima mʼoxi.

Jisabhu 16:8

Kota kia tolo kia tundu ku kidi; dikue o jinzungule ja itula ia di lungu ni mangonha.

Jisabhu 28:25

Mukua luimbi, mvunda ja mu vula; uoso-phe ua dielela kua Jihova, uia ni kuneta kiengi, kuma a kà mu dikila jinga.

Jelemiia 35:9

Ki tua tena ue kutunga jinzu phala ni ji kale dibhata dietu; ki tu moneka ue díbhia dia mivide, mba mukáu, mba mbutu.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 3:14

Masoladi anga a mu ibhudisa ue, exi: Etu uetu, tu bhanga kiebhi? Muène uixi: Ki mu bhange kusuina; ki mu die mangonha mu kutambula kitadi kia muthu uoso-uoso ni ku mu tatela. Kitadi kienu kiene ku mi futa, ki mi soke.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Filipe 1:21

O muenhu-phe, kima kiahi? Kuma eme ki ngalʼ iki, o muenhu muène Kristu. O kufua, kubhanduluka.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.

I Timote 6:8

Kala kiki, se tua mono-phe kia kudia ni kia kudivunga, ima ienhiʼii i tu soke.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.