I Timote 6:19 - O Mikanda Ikola

¹⁹ Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

I Timote 6:19 ပူးပေါင်းရင်းမြစ်များ

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Jisabhu 10:25

Mukua phulu uia nzaká, kala ki somboka o kitembu kia kibhungu; maji o muthu ua iuka, ua kalelà-ku kala a mu tunga bhu ndanji.

Jisabhu 31:25

Ni kuhandamana ni kukunzama iene o izuatu iê ia di zakela na-iu; uolela kia tala o thembu iala kuiza-ku ku pholo, ka kala ni uoma ua izuua ia hádia.

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Matesu 19:21

Jezú ua mu ambela, uixi: Eie se ua mesena kutenena, ndé, kà sumbise ioso i uala na-iu, o jimbongo jê u ji uanene jingadiama, phala u kale ni jimbongo mu Diulu, nda uize kiua u ngi kaiele eme.

Luka 12:33

Sumbisenu ioso i muala na-iu, o kitadi ki tunda-mu, mu ki bhane jingadiama. Iudikenu jisaku ji kamba ku kuka, ni jimbongo ku maúlu, ji kamba kúbhua. Mukonda o koko kuene ku kididi kia bhingi ki ku bhiti muíi, ki kuene ue kabamba ka kesa.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 16:9

Eme uami ngi mi ambela: Kuatenu makamba a tunda mu itadi ia mangonha ma mundu iú, phala ki i mi kamba, ene a mi tambulule mu mabhata mâ ma nanga.

Luka 18:2

uixi: Mu mbanza imoxi mua kexile mufundixi ua kambe uôma ua Nzambi, ka xikina ue kubhana ujitu ku muthu.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

Filipe 3:14

Eme nga suina ni kulengela kubhiẋila bhu mbambe bhua kà bhana o dilau dia tu ixanena ku diulu kuala Nzambi, mua Kristu Jezú, phala o muenhu ki uabhua.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

II Timote 1:1

Eme Phaulu, poxolo ia Kristu Jezú mu vondadi ia Nzambi, a ngi tumu kuboka o njimbu ia kikanenu kia muenhu u tuene na-u mu kudibunda kuetu ni Kristu Jezú.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.