I Timote 6:17 - O Mikanda Ikola

¹⁷ Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Timote 6:17 ပူးပေါင်းရင်းမြစ်များ

Dimatekenu 13:2

Mbalamu muene anga ukala monhi ia dikota ia ibhaku, ni phalata, ni ulu.

II Malunda 26:16

Maji Uziia-phe kia zubha kiá o ku kituka dizonda, o muẋima uê ua di zangeleka katé ki ua zangiua; anga u tondalela Jihova, Nzambi iê, mbata ua bokona muene mʼonzo ia Jihova phala kuoha uasu ua dizumba ku thandu dia kalatódio ka uasu ua dizumba.

Jisálamu 104:28

Kioso Eie ki u a bhana, a nona; ki u kotonona o lukuaku lué, ekuta ima iambote.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisabhu 11:28

Muthu uoso u di fiiala jimbongo jê, ua-nda kusenguluka hé u di bhala; athu aiuka-phe abuingita kala kimuẋi kiala ni jithangu ja uisu.

Jisabhu 23:5

Kifua mesu mé ma jijila kutalesa ima ia kingoho? jimbongo-ze jene ni mabhabha, jituka kala holokoko anga ji di leka bhulu.

Jisabhu 27:24

Mukonda o jimbongo ki jene kuxalelà-ku; manhi o kitundu kiene kuxalela kutunda muiji kuiza muiji?

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Ndongixi 2:24

Manhi ki kima kiambote muene o muthu kúdia ni kúnua, o muenhu uê ni u kembe mu mbote ia kikalakalu kiê? O kienhiki ue nga ki mono kuila ki tunda ku lukuaku lua Nzambi.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Jelemiia 49:4

Mukonda diahi u di ximanena jihonga, jihonga jé ja uabha kinéne, eie monʼa kilumba ua ẋinuka, eie ua dielela ku jimbongo jé, uixi: Nanhi muene uiza mu kuzoka nʼeme?

Izekiiele 16:56

Eie-phe, né ngó Sodoma dia phangiʼé ku mu tumbula mu kanu dié, bhu kizuua kié kia izala, kioso o maufusa mé kiluua a tukuluka.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Matesu 12:32

Uoso u xinga Monʼa Muthu, a kà mu loloka-kiu. Maji uoso-phe u xinga o Nzumbi Ikôla, ka kà mu loloka-kiu, né ku muenhu iú, né ku muenhu ua hádia.

Matesu 19:23

Jezú anga u ambela jixibulu jê, uixi: Ngi mi ambela kidi, mukua itadi ki mu bhonza, o kubokona mu Utuminu ua Diulu.

Matesu 25:16

Kindalʼokio, a mu bhana talendu jitanu, uia u ji ta uenji, anga u nganhala-ku jitanu jamukuá.

Matesu 27:57

Kutula mu ngoloxi, kuila kuma kua fulamana kiá, kuiza muthu, mukua itadi, u tunda ku Limateia, dijina diê Zuze, muène ue xibulu ia Jezú.

Matesu 6:32

Mbata ima ioso iii iene ia-lu sota o matumbu, athu kejiia Nzambi. Maji enu o Tata ienu ia diulu ua kijiié kuma imʼ iii mua i bhindamena.

Marku 10:24

Jixibulu anga a diuana o maka mê. Jezú-phe ua kumuna dingi, uixi: Ana, kubhonza kuahi, oso a di fiiala jimbongo, o kubokona mu Utuminu ua Nzambi!

Luka 19:2

Muenhomo hé mu kala diiala, mukua-itadi, dijina diê Zakeu. Muène dikota dia akua kutambula lubhaku.

Luka 3:11

Muène uenda ni ku a vutuila, uixi: Uoso uala ni izuatu iiadi, a uane ni mukuâ uoso uala ni tuẋi. O uoso uala ni kúdia, a bhange kiòmuene.

Jipoxolo 14:17

Maji mu thembu joso Nzambi ka kambele-phe ku dʼ idikiza kioso Muène kiene, mu mbote iê iene mu kubhanga. Kuma Muène mukua kubhindumuna, ua bhana jinga mvula ku diulu, ni idima kuvula bhu thembu ja tokala, phala mu kale ni kúdia, o muẋima uenu uizale ni kusanguluka.

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 17:25

Kene kubhanduluka ku maku ma athu, kala Muène ua tate, mukonda Muène u bhana oso o kukola o muenhu ni kubhuima, ni kumona ima ioso.

Loma 11:20

Kiene! Maji lembalalenu kuila ene a a batuile-ku mukonda dia kukamba kuxikana, enu-phe mua xala ku mudiva mukonda mua xikana. Kienʼ iki ki ki mi bhekele kukala ni ukumbu. Inda kalenu ni uôma.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

Matendelelu 33:15

Mabesá ma tundu ku milundu iôkulu, ni mabesá ma tundu ku tu-thuthulùndu tua kalelà-ku tunde xahulu.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

I Timote 1:3

Uila ki nga ku bhingile kiá, kioso ki nga kexile mu kuia mu Masedonia, nga mesena kuila eie u xala mu mbonge ia Efezo. Kuma amoxi-moxi muenhomo a tubhula ulongelu uengi ki uene ua kidi; kua bhingi-phe eie u a tendelela phala ene a ki ehe.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

I Timote 6:9

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Tito 3:6

Nzambi mukonda dia henda iê ia dikota ia-la na-iu, Nzumbi iê Ikôla ua mu lundulula kía nzungule ku thandu dietu, mukonda dia Jezú Kristu, Mubhuludi uetu.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.