I Timote 6:14 - O Mikanda Ikola

¹⁴ Aiuka o kijila kioso kia ku tumu, sè ngó kisemu, sè bhuma bhua tena ku ku éla, katé bhua kà tukulukila Ngana ietu Jezú Kristu.

I Timote 6:14 ပူးပေါင်းရင်းမြစ်များ

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

Mukumbi ua Mikumbi 4:7

Tata! Eie muene uoso ua uabha, kazola kami! O ku mukutu ué ki ku moneka dithonha.

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

Kolose 1:22

Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

II Tesalonika 2:1

Tua mi bhingi-phe, jiphange, mukonda dia kutukuluka kua Ngana ietu Jezú Kristu, ni kubhongoloka kuetu ni Muène, kuma:

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

II Phetele 2:21

Mukonda kieju beta kuuabha, se a kambele kuijiia o njila ia kuiuka, kana kiki kiaʼijiia, maji kijila kiangene kikôla kia a bhana a ki xie, a vutukila ku dima.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

II Phetele 3:2

Mbé ki mi bhekele kulembalala jinga maka ma tangele jipolofeta jangene mʼokulu, ni kitumu kia Ngana, o Mubhuludi, kiejila ku jipoxolo jê.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!