I Timote 6:12 - O Mikanda Ikola

¹² ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

I Timote 6:12 ပူးပေါင်းရင်းမြစ်များ

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Mukumbi ua Mikumbi 3:4

O ki nga a xi ngó bhuòfele, kazola ka muenhu uami nga mu sange. Nga mu naminina, ki ngi mu ehela dingi, katé ki nga mu bokuesa mʼonzo ia mamʼetu, ndú mu xilu da ió ua ngi vuala.

Izaía 44:5

Muenhú ua kèla: Eme nga tokala kua Jihova; mukuá ua kà di-luka dijina dia Jakobo; mukuá dingi uà di-soneka ni lukuaku luê, uixi: Eme ngi mukua-Jihova, muiji uami ua tambula o dijina dia Izalaiele.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

II Kolindo 9:13

Ene a kà fumanesa Nzambi, mukonda dia kubhindumuna kuenu kuenʼiúku, kijimbuete kia kuila enu mua kaiela o Njimbu ia Kristu. A kà fumanesa ue Nzambi mukonda dia ujitu ua henda u mua bhana mu mukungu u muala ku a tumikisa ene ni mundu uoso kiá.

Matendelelu 26:3

Anga uiza kua nganga uoso uala-ku mu izuuʼomo, hé u mu ambela, uixi: Ngi ki tanga lelu bhu pholo ia Jihova Nzambi ietu, kuila, eme lelu nga bokona kiua mʼoxi ia lokela jihova ku i bhana ku jitata jetu.

Filipe 1:30

Kuma kindala enu ue mu tena kutambula mbandu kumoxi ni eme mu ita. Mukonda o ita iene imoxi i mua muene ko kuami, iene hanji i muala ku ngʼ ivua na-iu kindala.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

II Tesalonika 2:14

O Nzambi muène iú ua mʼixanena mu Njimbu ietu Iambote i tua kola, phala mu tambule ue mbandu ku fuma ia Ngana ietu Jezú Kristu.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

I Timote 6:19

Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.

Jihebeleu 13:23

Ijiienu-kiu kuila o phange ietu Timote ua jituka kiá muʼaleia. Se muene nʼeza kindala kunu, ngʼila-nê kumoxi mu ku mi kunda.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.

Afundixi 3:2

mbé miiji ia anʼa Izalaiele a kʼijiie, a di longe kúlua ita, oso mʼokulu kejidile luua kúlua;